村爺爺車仔麵 (Moved) New Location

之前食過村爺爺湯飯覺得好味又冇味精（起碼食完吾會口乾），今日又經過附近見到間寫村爺爺車仔面（應該係分支店吧），個價錢又吾貴就去試下，原來佢有分開叫或套餐，竟然有我最愛伊面餐……C餐極上夏$68，加響鈴和飲品$6，共$74，見野食都吾少就叫一個試下。黎到已經好香龍蝦味，這個特濃龍蝦湯底都幾足料喎，飲落去吾會太腥同咸ok，伊面叫左生少少，煮得剛好，有口感。這個餐有個黑毛豬蘆筍卷，芝麻醬配蘆筍一定冇得輸，反而黑毛豬如果煎一煎會更好。自選三餸我選了腐皮墨魚手指條，蘿蔔，冬菇…係姐姐推介，蔔白食左冇渣又入味，冬菇都幾厚身，怪不得咁多人叫。手指條份量如果再多點更好，但好彈口同有腐皮味好味。其實我之後見到吾少人食半隻龍蝦都好吸引，都諗住下次叫男人同我一齊黎試下先得。