Video
Read full review
2023-02-23
877 views
早排去澳門，四圍人山人海非常熱鬧! 出名少少嘅餐廳排哂長龍，最少等一個鐘已經係平常! 反而經過澳門D拉麵店又唔係好多人排隊，但入去幫襯又好奇怪.... 山長水遠去澳門緊係留肚食D地道嘢啦! 再講，無理由香港D正拉麵店唔幫襯嘛，結果食拉麵引又發作，反到香港忙咗幾日之後即刻同女友小熊幫襯金鶴拉麵.一講到香港食拉麵，我只念起金鶴，一來質素穩定二來湯底超濃，夾自己濃口味.今次幫襯，限定拉麵居然係極濃龍蝦湯拉麵，二話不說! 一客!如果配埋龍蝦尾價錢係$198，要!女友小熊點極濃雞白湯拉麵，另外再配埋餃子同燒雞肉捧.習慣飲西湯要配麵包，習慣食拉麵又總係要叫餃子，就算飽都要點! 金鶴嘅餃子外脆足料，另外燒雞肉捧口感好特別，淋上照燒汁令雞肉捧變甜之餘，內藏極細雞軟骨，食落有𡁻口唔係𡁻一舊普通雞肉，有驚喜.極濃雞白濃仍然係濃郁湯味，質素不變，果件雞肉口感同樣好特別，入口鬆軟，介乎雞肉同魚肉之間.龍蝦濃拉麵一上枱，單睇外貌已經夠台型，龍蝦大大隻! 而且龍蝦味撲鼻! 先試試龍蝦濃，超濃郁超惹味! 又一次感覺濃湯先係主角，相比起過去幫襯過嘅西餐廳D龍蝦湯更濃郁惹味，連我大愛嘅意粉屋龍蝦湯都輸俾佢! 相信金鶴花
一講到香港食拉麵，我只念起金鶴，一來質素穩定二來湯底超濃，夾自己濃口味.
今次幫襯，限定拉麵居然係極濃龍蝦湯拉麵，二話不說! 一客!
如果配埋龍蝦尾價錢係$198，要!
女友小熊點極濃雞白湯拉麵，另外再配埋餃子同燒雞肉捧.
習慣飲西湯要配麵包，習慣食拉麵又總係要叫餃子，就算飽都要點! 金鶴嘅餃子外脆足料，另外燒雞肉捧口感好特別，淋上照燒汁令雞肉捧變甜之餘，內藏極細雞軟骨，食落有𡁻口唔係𡁻一舊普通雞肉，有驚喜.
極濃雞白濃仍然係濃郁湯味，質素不變，果件雞肉口感同樣好特別，入口鬆軟，介乎雞肉同魚肉之間.
龍蝦濃拉麵一上枱，單睇外貌已經夠台型，龍蝦大大隻! 而且龍蝦味撲鼻! 先試試龍蝦濃，超濃郁超惹味! 又一次感覺濃湯先係主角，相比起過去幫襯過嘅西餐廳D龍蝦湯更濃郁惹味，連我大愛嘅意粉屋龍蝦湯都輸俾佢! 相信金鶴花咗唔少時間同心思係湯底上，俾100個讚!
掛住飲湯，連隻龍蝦都變成配角，龍蝦肉豐富而彈牙，拉麵沾上不少龍蝦湯，非常惹味.
就算肚脹都停唔到手，直至飲哂龍蝦湯為止，限定產品唔係經常有，今次錯失的話不知何年何月再相遇!
極濃雞白湯拉麵
18 views
0 likes
0 comments
極濃龍蝦拉麵
15 views
0 likes
0 comments
餃子
25 views
0 likes
0 comments
燒雞肉棒
29 views
0 likes
0 comments
Post
