Video
Read full review
2019-05-04
39 views
今晚約咗好友dinner，佢係一般都要OT到八點，所以遷就吓佢喺銅鑼灣食。 餐廳係樓上舖但相當易搵，沿住百德新街行出怡和街，等過馬路嗰陣抬頭望老麥隔嚟就見到。雖然平日星期二晚上嘅八點鐘，但上到去係滿座要等位。 等位嗰陣見到有自助沙律吧，幾吸引，所以一坐低就唔駛諗咁多，叫兩個Signature Dinner，包自助沙律吧、龍蝦湯、主菜同咖啡或茶。【自助沙律吧】 沙律吧雖然佔地唔多但都有唔少嘢食，除咗基本嘅薯仔沙律、粟米、番茄、沙律菜仲有橄欖、菠蘿、哈蜜瓜、凍蝦、青口…… Dressing有麵包粒同三種唔同沙律醬。 全部食材都好新鮮，我就試咗青口同凍蝦，味道鮮美。【干邑龍蝦湯】我哋最鍾意飲龍蝦湯，呢度仲要係Unlimited無限量添飲，真係不得了。 龍蝦湯質素唔會因爲任飲而降低，味道香濃，面頭加咗少少忌廉令口感creamy，裡面仲有鮮爽蝦肉，真材實料，我就飲咗兩碗，大滿足！【非凡鮮羅勒香草醬海鮮扁意粉$258】 用鮮羅勒、橄欖油炮製嘅香草意粉醬再加巴馬臣碎芝士同蒜蓉，惹味中帶清香。 海鮮份量都唔少，三文魚、魷魚、大蜆、蝦全部新鮮，蜆同蝦都幾大隻。【美國頂級牛肩肉扒$298】牛肩扒採用USD
雖然平日星期二晚上嘅八點鐘，但上到去係滿座要等位。 等位嗰陣見到有自助沙律吧，幾吸引，所以一坐低就唔駛諗咁多，叫兩個Signature Dinner，包自助沙律吧、龍蝦湯、主菜同咖啡或茶。
【自助沙律吧】 沙律吧雖然佔地唔多但都有唔少嘢食，除咗基本嘅薯仔沙律、粟米、番茄、沙律菜仲有橄欖、菠蘿、哈蜜瓜、凍蝦、青口…… Dressing有麵包粒同三種唔同沙律醬。 全部食材都好新鮮，我就試咗青口同凍蝦，味道鮮美。
【干邑龍蝦湯】我哋最鍾意飲龍蝦湯，呢度仲要係Unlimited無限量添飲，真係不得了。 龍蝦湯質素唔會因爲任飲而降低，味道香濃，面頭加咗少少忌廉令口感creamy，裡面仲有鮮爽蝦肉，真材實料，我就飲咗兩碗，大滿足！
【非凡鮮羅勒香草醬海鮮扁意粉$258】 用鮮羅勒、橄欖油炮製嘅香草意粉醬再加巴馬臣碎芝士同蒜蓉，惹味中帶清香。 海鮮份量都唔少，三文魚、魷魚、大蜆、蝦全部新鮮，蜆同蝦都幾大隻。
【美國頂級牛肩肉扒$298】牛肩扒採用USDA Prime級牛肉，真正頂班牛。 加咗少少香草同紅椒粉去煎，上面再加牛油，令牛肩扒又香又惹味。 叫咗五成熟但煎出嚟比想像中熟咗少少，好在肉質頂級所以仍然係鮮嫩多汁。 配菜係炒菜同薯仔，營養均衡。
跟餐除咗餐湯同沙律吧仲有炸薯條，熱辣辣配上黑松露醬更加滋味。 本身怕薯條熱氣嘅我哋都忍唔到口好快食晒。
餐茶：
晚餐價錢二百幾蚊起，但食物質素高又有沙律吧同任飲龍蝦湯，值回票價，難怪平日夜晚都爆滿啦。
Post
