Video
Read full review
2015-09-07
2114 views
第二次幫襯，今次食貴啲，介紹返，呢個係［龍蝦燕窩海鮮餐］。見今日老豆牛一，我早一個月打去book位啦，一家4口嚟食好野！生拆蟹肉扒金山勾翅 － 帶細細排翅，都有口感，呢個價錢嚟講都滿滿意，但味道略淡，建議自行加醋吊味。芝士龍蝦伊麵底 － 個芝士味道100分！！！！全家都讚口不絕，龍蝦又大隻，又鮮甜，又實肉，啖啖肉之餘仲係大大舊肉！！！天下第一雞－ 脆皮同芝麻都係我至愛，我食咗好多舊⋯⋯今晚變成食肉獸！金銀蒜粉絲蒸元貝 － 又係大大隻，一人一隻唔洗爭，出面食果啲好興放好多粉絲上面扮有料，呢度道真材實料，睇下下面張圖：拎開粉絲仲有咁大粒元貝，好鮮甜，最緊要夠林，老豆啲牙唔好都食到喎！原隻鮑魚扣山珍海味－ 四個人又係一人一隻鮑魚，人人有份！仲有惹味花膠，海參，只係普通貨色，唔好咁大期望清蒸海星斑－肉質幼滑，鮮味十足，斑係貴價魚，用來清蒸唔洗咁多花巧野。仲有，廚師落左莞茜，特別好味！招牌三式蝦－炸蝦最正，連殻食都得！飄香炒飯－er⋯⋯呢個好hea，又無鑊氣，專心食送啦各位瑤柱扒西蘭花－點解呢？點解個西蘭花可以排得咁靚，同埋好好食，無怪味⋯⋯平時出面食D西蘭花明明又硬又怪，呢個反而又靚又好味！杏
見今日老豆牛一，我早一個月打去book位啦，一家4口嚟食好野！
龍蝦燕窩海鮮餐
$370
67 views
0 likes
0 comments
生拆蟹肉扒金山勾翅 － 帶細細排翅，都有口感，呢個價錢嚟講都滿滿意，但味道略淡，建議自行加醋吊味。
芝士龍蝦伊麵底 － 個芝士味道100分！！！！全家都讚口不絕，龍蝦又大隻，又鮮甜，又實肉，啖啖肉之餘仲係大大舊肉！！！
天下第一雞－ 脆皮同芝麻都係我至愛，我食咗好多舊⋯⋯今晚變成食肉獸！
金銀蒜粉絲蒸元貝 － 又係大大隻，一人一隻唔洗爭，出面食果啲好興放好多粉絲上面扮有料，呢度道真材實料，睇下下面張圖：
拎開粉絲仲有咁大粒元貝，好鮮甜，最緊要夠林，老豆啲牙唔好都食到喎！
原隻鮑魚扣山珍海味－ 四個人又係一人一隻鮑魚，人人有份！仲有惹味花膠，海參，只係普通貨色，唔好咁大期望
清蒸海星斑－肉質幼滑，鮮味十足，斑係貴價魚，用來清蒸唔洗咁多花巧野。仲有，廚師落左莞茜，特別好味！
招牌三式蝦－炸蝦最正，連殻食都得！
飄香炒飯－er⋯⋯呢個好hea，又無鑊氣，專心食送啦各位
瑤柱扒西蘭花－點解呢？點解個西蘭花可以排得咁靚，同埋好好食，無怪味⋯⋯平時出面食D西蘭花明明又硬又怪，呢個反而又靚又好味！
杏仁燕窩 － 杏仁味好濃，未食呢個前已經有十成飽，不過見咁香，食食食，又食哂⋯⋯只係⋯⋯燕窩呢？唔覺有，有D好細粒嘅疑飲燕窩，都係果句，370per head唔好咁高要求
Other Info. :
我對環境無咩要求，唯一要改善係空氣唔流通呢個問題，我一家4口坐角落位，好焗呀⋯⋯
(The above review is the personal opinion of a user which does not represent OpenRice's point of view.)
Post
