Mee...lemongrass (彩園廣場) (Closed)

新開張無耐，見佢寫住星馬菜喇沙龍蝦麵🦞有優惠，其他餐牌都無望多一眼都無～唔使我多講就知勁嘢，一上枱超大碗嚇親，隔離枱既人都望住，龍蝦肉都算大隻，而且蝦膏都唔少，一啖龍蝦一啖麵多滋味，而個湯底就偏向就香港人口味，唔係好辣，剛剛好，豆卜吸收哂湯底，一口爆汁而媽媽就叫左素喇沙，佢都話好好味，而且蔬菜都唔少！同埋佢岩岩新開，嘢飲買一送一，或者買一杯嘢飲減8蚊，我就叫左杯茶走冰，可惜無走同埋味道一般食物比飲品質素高！