煌府豐盛

Open Now

Now Closed

今晚跟爸爸去酒樓食晚餐，酒樓環境光猛，座位數目多，食物種類和款式很多，而且服務員都非常有禮貌，上菜速度又快，值得推介。今晚點了一道龍躉兩吃，相當抵吃，$298就有兩味龍躉的餸菜，第一味是翡翠油泡龍躉球。賣相相當吸引。龍躉球又多，而且仲啖啖肉的，又香又惹味，魚肉鮮甜無比，又彈牙又肉厚，大人小朋友都非常岩食。仲有很多蜜糖豆，炒過之後，又爽又脆，非常好吃，這道菜十分出色。另一道龍躉美味餸菜是，金菇木耳蒸頭腩～龍躉頭腩經過蒸後，鮮甜無比，魚肉又嫩又滑，仲有青青的木耳和金菇香，相當美味，配上了蒸魚豉油更鮮更甜。餸菜份量很大份，有多件龍躉頭腩，好像吃極都仲有似的～正。另外我們點了一個無花果拔絲咕嚕肉，酸酸甜甜，十分開胃，而且以無花果來拌咕嚕肉外間餐廳比較少，無花果酸酸甜甜的相當開胃解膩，十分特別。配菜上面仲有紅椒、青椒、菠蘿都十分惹味。這道餸菜用來拌飯一流。咕嚕肉啖啖肉，一啖一件，味道超正，勁惹味，甜酸度岩岩好，超美味的。