龍門冰室 (Closed)

今日初三同女朋友去左黃埔個邊行商場跟住順便搵飯食醫肚。因為仲係新年假，唔多餐廳營業，但我地好好彩搵到龍門冰室食晚飯。冰室內面人頭湧湧，店員都忙過不停。我地叫左咸牛肉芝士玉子燒套餐配炸蝦和撈丁 (HKD 55)同埋牛油帶子意粉 (HKD 72) 。另外我們再加多一個時菜(HKD 12)，有西蘭花同生菜，我地就要左生菜 。先黎既係玉子燒套餐，我同女友都非常驚喜，因為賣相唔錯同分量係非常大。 玉子燒非常嫩滑，而且內涵十足 有勁多咸牛肉同埋芝士在內， 口感同味道唔錯。炸蝦有3隻，炸得幾爽口，唔油膩。 撈丁係我既至愛，同玉子燒非常配襯。另外，仲有沙律菜伴住，健康得黎，又可以點綴下個餐。至於個意粉，蒜蓉味香濃，作為蒜蓉控既我都感到滿足。帶子有好多隻，而且都唔細架。仲有沙律菜，洋蔥同埋沙律，非常健康。個生菜幾新鮮，點埋佢地既秘製醬汁，味道唔錯。至於餐飲就叫熱檸蜜同熱檸水，味道不過不失。