龍麵館 (Closed)

今既同朋友來位於中環的「龍麵館」，以龍蝦入饌，有大量的龍蝦中菜式以供選擇。餐廳以中式龍虎舞獅、龍、中式裝飾、兵器等，為餐廳增添氣氛，幾特別。【龍肉湯麵】用龍蝦湯煮成的龍蝦湯麵，由湯、肉至麵都充滿龍蝦味，濃郁鮮甜。橙紅色看落亦顏色鮮豔。有原隻龍蝦，肉厚爽彈，鮮甜蝦味濃。麵條吸哂龍蝦湯汁，滑溜微彈，好易咬順滑，份量亦足夠。最後連湯汁都飲哂，好好味。【真空24小時慢煮牛面珠】用牛面珠已經夠柔嫩，還真空慢煮，肉質自然保持嫩腍多肉汁。經真空煮法，味道亦全部保留肉中，牛味突出，醬汁香濃，配以炒香芽菜，多份鑊氣香味。【濃湯時蔬】亦是重點在湯汁，濃而清晰的湯汁，完全不膩，清爽娃娃菜最能吸入大量湯汁，正好爲肉類清膩。【日本富山縣芒果味雪葩】飄出乾冰的霧化感，好冰涼既感覺。芒果極有果香，天然甜味好誘人，每口都似食緊雪凍既芒果，雪葩質感也細滑，入口即溶無冰粒。【千葉豆腐花】呢款熱甜品就岩朋友，溫和微暖，豆腐切成千葉的花形，形態美麗輕盈。糖水很中式的紅棗糖水味，微甜不膩。呢款甜品好考廚師刀功，值得一讚。