Video
Read full review
2018-09-11
1723 views
家陣自助餐市場的確越來越難做，面對成本上漲，但客人有限的情況下，唯有力求轉變，給食客帶來新鮮感。 位於金域假日酒店內的 Bistro on the Mile ，基本上每隔三兩個月就會轉一次主題，而今次就以龍蝦作主打。既然是龍蝦，就先將龍蝦菜色勾出，等大家流口水先。 酥皮龍蝦湯外層酥皮鬆化，戳開再蘸龍蝦湯食，份外覺得滋味，而龍蝦湯質感濃稠，更有龍蝦肉在內，相當對板。 蘑菇汁焗龍蝦每位客人都會獲得半隻，蘑菇汁不會太厚，簡單的一層蓋住，烤焗至微焦，帶出了陣陣香氣，令龍蝦肉添上了一分甜香。 龍蝦蒸蛋蛋蒸得稍微過火，但味道鮮甜，不錯。 龍蝦帶子大阪燒同行朋友大讚，用料足，正。 另外仲有龍蝦千層麵、龍蝦蟹肉蝦咯嗲、龍蝦凍、龍蝦卷、雜果龍蝦沙律、龍蝦茴香沙律、龍蝦橘子沙律與及泰式柚子龍蝦蟹肉沙律，算起來，都超過十款以龍蝦作主打的菜色。 Seafood Station半開波士頓龍蝦媽紅的蝦膏的確吸引，蝦肉爽彈，喜歡的朋友不妨食多幾隻。龍蝦鉗 拆殼後可以啖啖肉，落些少醋來提鮮，味道更佳。至於長腳蟹爪肉質甜美，藍貝肥嫩，加埋凍蝦，差不多已飽了三份一。 生蠔選用了
位於金域假日酒店內的 Bistro on the Mile ，基本上每隔三兩個月就會轉一次主題，而今次就以龍蝦作主打。
既然是龍蝦，就先將龍蝦菜色勾出，等大家流口水先。
酥皮龍蝦湯
外層酥皮鬆化，戳開再蘸龍蝦湯食，份外覺得滋味，而龍蝦湯質感濃稠，更有龍蝦肉在內，相當對板。
蘑菇汁焗龍蝦
每位客人都會獲得半隻，蘑菇汁不會太厚，簡單的一層蓋住，烤焗至微焦，帶出了陣陣香氣，令龍蝦肉添上了一分甜香。
龍蝦蒸蛋
蛋蒸得稍微過火，但味道鮮甜，不錯。
龍蝦帶子大阪燒
同行朋友大讚，用料足，正。
另外仲有龍蝦千層麵、龍蝦蟹肉蝦咯嗲、龍蝦凍、龍蝦卷、雜果龍蝦沙律、龍蝦茴香沙律、龍蝦橘子沙律與及泰式柚子龍蝦蟹肉沙律，算起來，都超過十款以龍蝦作主打的菜色。
Seafood Station半開波士頓龍蝦
媽紅的蝦膏的確吸引，蝦肉爽彈，喜歡的朋友不妨食多幾隻。
龍蝦鉗
拆殼後可以啖啖肉，落些少醋來提鮮，味道更佳。
至於長腳蟹爪肉質甜美，藍貝肥嫩，加埋凍蝦，差不多已飽了三份一。
生蠔
選用了美國蠔，但並非大而無當的質素，蠔味未至於濃郁，但比起以前是優勝得多。
刺身
有自己最喜歡的帶子，夠肥大肉厚，質地柔嫩，仲有仿鮑魚片、甜蝦、三文魚、吞拿魚、八爪魚及鯛魚。
天婦羅
面對炸蠔、炸海蝦、炸茄子及炸甜薯都無可能食，因為近日喉嚨發炎，唯有放棄。
湯
一向是湯怪，除了之前喝過的酥皮龍蝦湯外，還有西式的匈牙利牛肉湯與及雪耳木瓜雞腳豬肉湯，個人始終鍾情於夠火喉的中式湯，鮮甜味美，材料的味道已經完全溶入湯內，正。
熱葷
有兩款每次去都必食既，包括皮脆肉滑既乳豬、幽香肥美的蒜蓉粉絲蒸扇貝。
至於芥蘭炒臘味、金不換胡椒炒蝦、椒鹽鮮魷、瑞士薯餅、芝士焗西蘭花、印度烤魚、印度菜咖哩及咖哩羊，都好啱香港人口味。
Carving Station
今次燒西冷扒似乎烤得有點熟，畢竟個人喜歡較生的肉質，希望下次有改善。
反而牛仔骨及鐵板羊架煎得啱啱好，加點薄荷jelly就更惹味。
如果仲有胃納，不妨試下鐵板海鮮同埋烤豬腿。
灼料吧
以日式拉麵為主，配以豬骨湯底，但始終好懷念之前好香濃既喇沙湯。
Cold Cut
提供了西班牙腸、涼拌雲耳粉絲、送雜肉、煙三文魚及扒什菜黑醋汁。
芝士
有常見的Edam Cheese、Emmentaler Cheese、Goat Cheese 與及 Camembert Cheese。
沙律
有越式粉絲沙律、鮑魚雜菌沙律、青蘋果沙律配煙肉西芹甜芥末汁、希臘沙律及凱撒沙律。
甜品
當然是每次必食既 Häagen-Dazs 雪糕，有雲呢拿、朱古力及Strawberries & Cream三款口味，全部試晒就最啱。
至於其他甜品，個人覺得有幾款尤其出色。
不論是之前食過既草莓卷，抑或是今次既栗子卷，都是甜香軟滑。
再來是荔枝紅桑子慕絲蛋糕及芒果熱情果慕斯蛋糕，在清甜中夾雜少許酸度，就更可口。
仲有朱古力薄脆蛋糕、芒果拿破崙、雲呢拿蛋糕、美式芝士蛋糕、香蕉蛋糕、檸檬橄欖油蛋糕、焦糖菠蘿撻、紅豆糕、麵包布甸、葡撻、芒果西米布甸、紅桑子啫喱、柑橘啫喱及生果酒啫喱。
說起來，每次都有新主題，未知下一次又會是什麼菜色？
Post
