Video
Read full review
2016-04-27
543 views
睇完《太陽的後裔》，戚起條筋好想食韓燒，所以就去炑八試下呢個龍蝦尾套餐($620，2-3人用)。套餐既presentation好靚，用tea set層架將唔同既肉食放好。單係燒烤食物已經勁豐富：龍蝦尾、大蝦、多春魚、八爪魚、厚切五花腩、牛肋肉、牛仔骨、芝士生蠔，另外仲要加個大大個既炸醬麵，兩個人食隨時會飽到反艇。既然主打係龍蝦尾，就先食佢啦！一條尾切出黎都有五至六塊肉，分量唔差，龍蝦肉爽口彈牙，抵食。之後到五花腩，好厚身，燒完之後肥肉保持爽口，一層肉一層脂肪，夾埋可以無限添加既生菜食，無得輸！燒原隻八爪魚之前，店員教我地要用生菜墊底黎燒，無咁易燶。八爪魚用韓式辣醬醃過，夠香辣刺激，八爪魚好彈牙，不過分量頗多，食唔晒浪費左少少添！芝士生蠔共有四隻，全部用錫紙碗裝好，燒既時候只要成兜放上去就得。生蠔幾肥美，燒熟後仍然脹卜卜，夾埋鹹鹹地既芝士汁食，唔錯。大蝦同樣有四隻，燒時可以加少少鹽去調味，令鮮味更突出。食牛仔骨最怕韌，但呢度既牛仔骨就完全無呢個問題。肉質夠軟，調味帶甜，好好食，係龍蝦以外既推介。多春魚本身係我既飛佛，所以唔駛講，好食！唔好忘記既，係爐邊既泡菜蛋同芝士粟米，前者夠滑，後者帶
套餐既presentation好靚，用tea set層架將唔同既肉食放好。單係燒烤食物已經勁豐富：龍蝦尾、大蝦、多春魚、八爪魚、厚切五花腩、牛肋肉、牛仔骨、芝士生蠔，另外仲要加個大大個既炸醬麵，兩個人食隨時會飽到反艇。
既然主打係龍蝦尾，就先食佢啦！一條尾切出黎都有五至六塊肉，分量唔差，龍蝦肉爽口彈牙，抵食。
之後到五花腩，好厚身，燒完之後肥肉保持爽口，一層肉一層脂肪，夾埋可以無限添加既生菜食，無得輸！
燒原隻八爪魚之前，店員教我地要用生菜墊底黎燒，無咁易燶。八爪魚用韓式辣醬醃過，夠香辣刺激，八爪魚好彈牙，不過分量頗多，食唔晒浪費左少少添！
芝士生蠔共有四隻，全部用錫紙碗裝好，燒既時候只要成兜放上去就得。生蠔幾肥美，燒熟後仍然脹卜卜，夾埋鹹鹹地既芝士汁食，唔錯。
大蝦同樣有四隻，燒時可以加少少鹽去調味，令鮮味更突出。
食牛仔骨最怕韌，但呢度既牛仔骨就完全無呢個問題。肉質夠軟，調味帶甜，好好食，係龍蝦以外既推介。
多春魚本身係我既飛佛，所以唔駛講，好食！
唔好忘記既，係爐邊既泡菜蛋同芝士粟米，前者夠滑，後者帶有粟米甜，各有特色。
雖然已經飽到震，但仲係忍唔住加錢叫多個甜品--Injeolmi年糕。呢個堅掂！餐廳會先將石鍋燒熱，底層係軟年糕，然後加上雪糕、黃豆粉、果仁、蜜糖等，一冷(雪糕)一熱(石鍋)，一甜 (雪糕)一鹹(可能係黃豆粉帶少少鹹味？)，一軟 (年糕) 一硬 (果仁)，好豐富既口感一次過響口腔內爆發，好得意，唔怪得會響韓國爆紅！Post
