炑八韓烤 (Closed)

路經九龍城，突然落大雨，見到隔離就係呢間炑八韓烤，所以試試。本來都知佢係連鎖，沒有過份期待食物質素，但食完後還是有點失望。環境略暗，衛生情況有待改進。這晚點了炸雞半隻，牛五花肉，五花腩，另外每檯都會附送前菜小碟，沙律。兩種五花腩都完全沒有肉味，失望。另外炸雞醬汁味道奇怪，無口感，肉質好老，不推介。唯一要讚一讚店員服務態度真的很好，會詳細解釋餐牌及接客人喜好推介美食，每位員工臉上都帶有笑容，值得表揚。

happy friday 約左一班同事出去食飯，今次選擇左炑八韓式燒肉店，呢間餐廳分店遍佈港九。有同事建議呢間，就即管去試下。今次叫既野食唔多，因為主要都係一班人圍埋坐低吹下水，飲下酒。先黎有牛小排，可能冰得太耐，上枱時仲係硬硬的，份量只有3片。再黎一個全韓牛拼盤，每個部份都有幾片，份量都係偏少，好彩我地唔係好肚餓，如果唔係一人一份都食得哂。跟住仲有飲品，提子梳打同埋柑橘梳打，不過不失。仲有呢個tower: 燒酒+啤酒塔甜甜地好易入口，飲得快或者飲得急一定好易醉。

生日飯想去試一試. 第一 服務態度真係 .... 一個字好*差. 特別年輕嗰啲服務員不知所謂. 不會有人check你要唔要嘢要走去問人 order etc.唯獨是有一個姐姐我覺得好好, 他問我哋需唔需要其他嘢然後幫我哋再refill. 服務態度一流.有個Uncle 介紹我哋飲米水 or something. 不過有啲唔係太好飲.. 話係自家製或者 未攤凍之後倒落個膠樽度有塑膠味... Uncle 應該都唔關佢事嘅佢只係做嘢啫 好認真最basic服務, 第一樣帶客人坐低, 介紹30秒都不是太過份... 茶餐廳都好服務過他. 真係需要多啲training lor 如果唔想做就唔好做喇... 轉行啦環境有啲污糟地下次笠笠. 好彩食物都不算太差, 有啲食物都幾好食. 價錢 大概三百蚊一位, 比較all you can eat嚟講算好食 ( 如果你細食的話). kimchi egg, corn cheese, salad 應該都係任食. 所以都幾好 味道一般. 我要讚賞佢哋嗰啲生菜, 非常新鮮同好靚. 佢有好多間分店所以 食物質素不是太差但係 服務態度同人手或者唔

燒烤一直想吃韓式燒烤，一大桌子的泡菜，牛肉豬肉海鮮，讓你目不暇給，欲罷不能。今天有時間我們就來好好吃一頓享受一番，點了喜歡的各式牛肉，還有大蝦，我的最愛，一邊烤一邊聽到油滋滋的聲音，絕對能促進大家的食慾，真的很有感覺，再叫上一杯啤酒，那接下來就是大快朵頤了！讚！

即興call左班fd子去九龍城食飯，有人想食燒肉，九龍城唔多選擇，二話不說揀黎炑八。門口位有小小鬼崇，要喺呢度行入去再上一層。一坐底就捧上爐邊蛋同芝士粟米，同埋前菜沙律等。啲肉點芝士食真係超～邪～惡～想提一提個沙律唔係用柚子醋，應該係用柚子醬，有好香柚子味又唔酸，大愛！不過可惜無得refill~啲燒肉黎到我未影得切相，就比班男人急不及待拎去燒。我第一次黎炑八食，原來啲肉都係腌左。👆🏻呢個LA骨牛扒好好食，佢個腌汁係有小小甜味，煎封兩邊燒到大概7成熟，好多肉汁，牛味濃！🤤食韓燒點少得五花腩，呢個厚切五花腩真係好厚，要燒耐啲！肉質爽口，正！👍🏼條切特級牛五花肉，呢個肉就無咁靚，咬落都幾韌，可能多筋。薄切牛舌，每塊都好薄，略煎兩邊咬落好juicy 👍🏼我地仲叫左石鍋飯同水冷麵，石鍋飯都好少會唔好食，水冷麵就普通，略嫌酸左啲。五個人食到好飽（仲要有幾個佬）都係$1052，都幾抵！

試咗咁多間韓燒 食咗咁多間炑八都咁好食知道原來九龍城附近都開咗一間當然係要即刻嚟試吓啦呢一間係太子道東 都幾就腳㗎今晚除咗食燒肉 我哋仲叫咗醬油蟹燒肉就一如既往咁好食最好係佢啲伴菜都好出色尤其是係啲魚餅泡菜又唔算好辣 好健康仲有芝士同埋泡菜蛋任fill 好正燒緊嘅係豬頸肉 真係好好味㗎今晚嘅主角就係呢個蟹啦以前食醬油蟹都要去韓國 依家香港真係咩都有得食㗎仲有蟹膏撈埋啲飯 加埋少少蟹柳同埋三文魚子簡直就係人間美食啊

今日，小妹個妹妹農曆生日🎂本身佢係一個好迷韓國嘅女仔，所以我地一家人就同佢去左炑八食燒肉🍖 本身大家都覺得燒肉唔食放題好唔抵☹️但係出到黎係又高質又抵食㗎🤣🤣我地嗌左戰斧牛扒套餐🤨話就話3-4人用，但係我地同行5個人都食到飽哂🤷🏽‍♀️係戰斧扒呀！炑八嘅service 超好㗎😋個扒黎到即刻掛我地切開一片片，仲教我地點燒添😋😋 牛扒嘅肉同脂肪分佈得好均勻，食落唔油得黎仲好香添！跟餐仲有泡菜芝士煎餅🥞，芝士味超級重，係小妹摰愛呀🤤🤤炑八仲有一樣好野就係送頭盤呀！！又係有小妹最愛粟米芝士🤤🤤🤤同爐邊蛋！當然仲有醒神開胃嘅柚子沙律添

老公不嬲收工都好夜，等埋佢食飯嘅話，就一定要係去啲比較夜收工嘅鋪頭，每次諗唔到食乜，就一定係炑八！宵夜時段仲有折添！老公乜都想食，為免眼闊肚窄，我哋兩個人淨係嗌咗一份厚切五花腩，一份護心肉，一份炸雞同埋兩碗白飯五花腩點都會係首選，超級好食，護心肉比較容易燶，所以要係咁反先得，但係其實對我來講，個爐側邊嘅蛋，同埋芝士粟米先至係我嘅最愛，烤好咗嘅蛋，用嚟撈飯一流第一次食佢嘅炸雞，其實真係麻麻哋，所以我諗嚟呢度食韓燒先至係最穩陣，最緊要就係佢個蛋同埋芝士粟米可以無限添加呀嘛

阿仔喜歡吃韓國燒烤，今晚和他一起去九龍城的「炑八」吃韓燒。餐廳在二樓，頗大，但人不算多。一踏進店內，已聞到有很濃的油煙味。先來頭盆5小碟和沙律菜我們一共有5人，經理介紹我們吃一個$985的牛扒套餐，有1kg 牛扒、韓式炒粉絲、芝士泡菜煎餅、純豆腐湯。牛扒份量頗多，但肥肉都有很多阿仔不喜歡吃泡菜，所以泡煎餅我們改了海鮮煎餅粉絲幾滑芒果冰一般般這餐食完後，衣服大褸都有油煙味，希望餐廳能改善下通風系統。

細細個屋企成日帶我去食韓燒但以前食既韓燒通常係任食形式d肉係一盤盤放係出面自己夾通常呢種形式既燒肉 d肉質都係一般般用太大量既醃料去掩飾d雪藏味連d肉本身既味都冇左好多所以我一直都偏愛炑八呢種點一盤上一盤既形式感覺d肉高質d同埋冇醃咁耐再加上炑八仲有爐邊蛋同粟米芝士！！大愛！其實炑八同大部份既韓式餐廳一樣係有2～4款小食會送通常泡菜同芽菜係一定有其他好食既小菜會有黑椒焗薯仔同海帶仲會送海帶湯(帶小量肉)晚餐食仲會送沙律菜同一個洋蔥圈伴汁我地今次2個人去就決定叫呢份厚身既五花腩點解我會揀厚身係因為我覺得簿身既五花腩燒完會太脆同埋簿身既滿足感冇咁大其實仲另外叫左個牛肋骨但冇影到相呢2款我都覺得係大份兼抵食每盤肉側邊都會有小量蔬菜例如切成豬形狀既薯仔 海鮮菇 南瓜等等燒出黎亦都好juice 特別係五花肉真係推薦俾大家呀！不過炑八都有野係唔好就係佢俾我地既水係生水姐係冇煲過我對水既味道係好高要求所以我到最後都忍唔住叫左杯野飲 叫魔法但其實我飲唔出係咩味總之就係soda其實味道一般冇特別特別想提一提大時大節同假期食燒肉好似係有最低消費 一人至少叫一盤燒肉人均消費100抵食過任食燒肉啦！

中秋佳節，又去九龍城入貨喇！做節太多野買，搵左間韓燒，慢慢歎！不過呢間分店呢，卡位近窗的位置好殘舊，好多黃色油漬，只可以水平缐望，個裝修仲可以接受既。 最失敗係廁所⋯應該係上一手，冇裝修之餘，仲好污糟添！小鮮肉侍應，先來兩個泡菜，其中豆芽菜係好難食，好似食格夜菜咁，而另一款就抵讚，菜好甜，好脆！我地點左牛同豬，講真，牛真係麻麻地，真係無乜牛味，唔香，而肉的口感尚可，唔係煤，不過就是無牛肉個種香味。 而豬肉就幾好既，下次再去食，希望牛肉會有改善。紫菜蛋飯都好食，美中不足係D飯唔夠熱，偏涼。 整體來説，食物質素好兩極，一係好好味，一係就無味， 中評。

星期六約了朋友吃午餐，在九龍城已試過泰菜西餐和日本菜，這次決定嘗試韓國菜。韓風在香港已吹了一段時間，不過港人熱潮未減，韓燒食店一間開完又一間，不過午餐食韓燒好像有點誇張，所以和朋友只叫了韓式飯和冷麪。食店在港九新界都有分店，下午時段不多食客，我倆有梳化位坐，很舒適。店員先送來泡菜和芽菜作為前菜，泡菜醃得剛剛好，微辣，少少酸又甜甜的，很開胃。蜜桃小丸子叫了五花腩飯，賣相已見份量很大，有泡菜、粟米、芽菜、雞蛋，用鐵板上所以十分熱；至於五花腩，可能食不慣，總覺得肥豬肉很多，有點油膩，吃到尾已不想吃了。整體而言，份量十分足夠，一定吃得飽，味道一般，價錢很便宜，不用加一。

一直以為炑八只係做韓燒，價錢亦都唔算平，直到早前朋友介紹來吃lunch，先知道原來炑八午市有提供定食，包湯和前菜，價錢仲要十分抵食！叫左餐後店員已經隨即遞上韓式前菜及蘿蔔湯，特別喜歡泡菜醃得不會過酸或太辣，我和朋友好快就清了一碟，店員亦為我地換過新的一碟，的確抵讚。我點了個牛肋骨煲配紫菜飯定食，牛肋骨每件都大大件且份量都不少，並有紅蘿蔔及白蘿蔔墊底，牛肉和蘿蔔都十分入味，只是整煲的味道略嫌太甜，還有紫菜飯的紫菜碎不夠多。另外朋友叫了的雞肉蛋包飯賣相非常吸引，加上沙律菜的點綴，整碟蛋包飯變得十分豐富，而且炒蛋炒得嫩滑，蛋汁混和白飯一起吃絕對係最佳配撘，四十幾蚊可以有前菜、湯及主菜真係已經無乜地方有了。

因为家住在九龙城，所以常常来吃，午市的套餐真的非常划算，有非常美味的汤和韩式泡菜作为前菜，main dish不仅卖相美观，味道也非常好，还有免费的柠檬水可以喝。服务态度也是没得说👏🏽👏🏽

繼上次吃過這間餐廳後，我對這間餐廳的好感度很高，所以我又和朋友再次來到這間店來吃午飯。這次點了一個炭燒豬肉紫菜包飯。等咗好耐，先上菜。雖然上菜速度很慢，但仍不影響他們的味道。紫菜包飯上來時，賣相十分很好。里面的餡料又十分足料，有蛋、青瓜、 酸蘿蔔，再加上炭燒豬肉，整個紫菜包飯實在是太吸引人了，吃了幾個就有點飽了，完全是價廉物美，適合各位還是學生的朋友們。飲料方面叫了杯藍天使梳打，不單味道很好喝，而且杯飲料的顏色還超級夢幻，很適合拿來拍照打卡。