Video
Read full review
2019-12-03
537 views
是咁的，今晚收工特登過嚟銅鑼灣搵FD子食飯。喺等佢放工嘅漫長時間中，梗係開個app search下揀間黃店支持下。App簡介中見佢支持香港人仲有6折，二話不說就決定呢間啦。坐低侍應話今日全單6折，嗰刻心諗呢間餐廳連今日都有6折咁好!? 後尾睇返原來係日日都有6折...酒鬼FD子嘅黑啤，據說唔錯。咬落軟腍腍芝士味幾重。燒得唔錯，保留到肉汁但又唔會太生或太熟。好細粒...但都好嘅，夠細粒先易整到咁入味嘛。咸咸地嘅煙肉配多汁清甜荔枝，好特別嘅配搭。味道好夠特別，我諗要留俾特別嘅人先識欣賞。外皮有少少燶燶地，雞肉有點過乾。平時食開嘅係打橫大大舊直接燒嘅，而呢間做法係拎半舊再開二打直拎燒。以份量嚟講當然係少咗一半，但價錢就無少過啦。味道就唔錯嘅，魚肉彈牙燒得幾入味。口感有啲韌，味道都合格嘅。係咪影得有動感呢？只需喺非繁忙時間坐低等一個半鐘，你就會影到呢張相。首先個烏冬食落淡茂茂，啲所謂嘅黑松露又無乜味，仲要等咁拎耐？真係連個人都等到生菇...如果你覺得人生有太多時間，並且樂於享受每樣食物上檯之間的漫長的等待時光，咁呢一間可能會適合你。否則你值得擁有更好，不可一不可再，請珍惜生命每一分每一秒。餐廳
喺等佢放工嘅漫長時間中，梗係開個app search下揀間黃店支持下。
App簡介中見佢支持香港人仲有6折，二話不說就決定呢間啦。
坐低侍應話今日全單6折，嗰刻心諗呢間餐廳連今日都有6折咁好!?
後尾睇返原來係日日都有6折...
酒鬼FD子嘅黑啤，據說唔錯。
芝士年糕
30 views
0 likes
0 comments
鹽燒一口和牛粒
10 views
0 likes
0 comments
蒜蓉燒扇貝
13 views
0 likes
0 comments
煙肉荔枝卷
10 views
0 likes
0 comments
味道好夠特別，我諗要留俾特別嘅人先識欣賞。
鹽燒雞中翼
9 views
0 likes
0 comments
汁燒白鱔
8 views
0 likes
0 comments
以份量嚟講當然係少咗一半，但價錢就無少過啦。
味道就唔錯嘅，魚肉彈牙燒得幾入味。
生燒牛舌芯
7 views
0 likes
0 comments
野菌黑松露炒烏冬
16 views
0 likes
0 comments
只需喺非繁忙時間坐低等一個半鐘，你就會影到呢張相。
首先個烏冬食落淡茂茂，啲所謂嘅黑松露又無乜味，仲要等咁拎耐？真係連個人都等到生菇...
如果你覺得人生有太多時間，並且樂於享受每樣食物上檯之間的漫長的等待時光，咁呢一間可能會適合你。
否則你值得擁有更好，不可一不可再，請珍惜生命每一分每一秒。
餐廳除咗燈光比較黃之外，連一張文宣都見唔到...
強烈建議同路人懲罰其他更抵死嘅餐廳。🐷
Post
