HeSheEat (白布街) (Closed)

記得上次考完筆試之後，老公就帶左我黎HeSheEat食左個甜品慶祝合格，嗰時已經約好左下次可以試下食呢度嘅正餐，終於有機會喇。入到黎個經理望落唔多nice，點知全程好有禮貌又有交帶，會提醒我地可以預先準備甜品，隔左十分鐘後會過黎講下仲要等幾耐。其他員工都好好，上菜時會輕輕講請慢用；食店係落地玻璃，員工會保持乾淨，抹門外玻璃，雖然員工個個細細個，但唔會偷懶，能夠保持應有嘅service👍番茄底嘅意大利飯，味道濃，有番茄嘅酸味，好清新同好開胃，食落唔漏，而口感剛好，軟硬適中，虎蝦好大隻，煎到香噴噴，肉質爽口，好食。即叫即整，所以要等20至25分鐘。麵包好軟，入面有個厚肉鮮甜的大啡菇，非常juicy，而牛肉有濃郁肉香，肉汁飽滿。配埋三重芝士，濃郁芝味充斥味蕾，最正係佢個黑松露蛋黃醬，黑松露味超香濃，但又唔會搶左其他味道，呢個係極度邪惡嘅漢堡，但一試就不能自拔，真係肥左都抵😏見到呢個炸蘑菇釀雞肉小食真係兩眼發光，因為我都幾鍾意食蘑菇。初時以為係剁碎蘑菇容混埋雞肉，點知原來係成隻蘑菇，好juicy,一d都唔乾。而外層係吉列脆皮，脆卜卜，雞肉嘅味道唔太濃，配埋個黑松露沙津醬，味道大大提升炸雞翼好似