川莊

Open Now

Now Closed

6點零鐘嚟到好在唔洗等位，有90分鐘用餐時間，時間一夠職員真係會過嚟用半鹹廣東話Chur你走🗣，大家唔好以為可以坐多陣⋯【南充特色酸菜魚】由於同行兩個朋友唔太食得辣所以叫咗bb辣🌶。有普通鮮魚片亦都可以加錢轉桂花魚，我哋轉左桂花魚，魚肉更滑溜又冇魚骨、啖啖肉。酸菜魚本身已經附送薯粉，亦有好多唔同款式、需要收費嘅配料俾大家自由選擇，我哋加咗午餐肉同娃娃菜。食酸菜魚個湯底最緊要，”川莊”個湯底夠酸但若然有多啲酸菜會更豐富。【Fried Prawns in Salted Egg Yolk and Dried Okra翡翠黃金蝦球$165】即係鹹蛋黃炒蝦球，蝦球面微脆，肉質厚實彈牙又大隻，配埋鹹蛋同炒更加惹味。【Sauteed Cauliflower and Celery with Dried Chill峨嵋山乾鍋花菜$99】雖然唔知點解關峨嵋山事，但呢碟菜係我去”川莊”必點，因為比較少餐廳有提供。花菜炒得乾身加上辣辣地令人不期然一口接一口。