Bhc chicken

Open Now

Now Closed

講開炸雞，我同朋友就由快餐店升Lv到去食韓式炸雞。佢之前都食過呢間幾次，口評唔錯。而我食過幾間過江龍，呢間來自星星的就未試過，係朋友推薦下試。下午黎到成個場得兩枱。一可能係疫情影響，二可能冇午餐set，太貴。炸雞冇半份買，連半半炸雞都只得一個組合。我同朋友兩個人叫咗招牌芝士炸雞同小食Mozzarella cheese sticks。Mozzarella cheese sticks有5條。芝士條表面已經有好多芝士粉，一咬開，入面裝滿Mozzarella。港女最愛嘅拉絲。表面嘅芝士粉太濃，相對Mozzarella 冇咩味。熱辣辣芝士炸雞濃重登場，好燙手。薄薄嘅炸粉包住炸雞，第一口咬落去好脆，肉質保持嫩滑。有一個小插曲係我朋友第一舊雞未熟，不過其他都冇問題。每一舊炸雞面頭都有層芝士粉，同芝士條嘅芝士粉差唔多，只係多咗少少辣味。炸雞味道全部來自佢個炸粉同面頭嘅調味粉，味道未算特別出色，因為食到一半就覺得調味太重，有啲咸。芝士炸雞附送一個醬，味道似乳酪。食到中途食得厭就點下醬食，又係另外一種風味，而且增加濕潤感。