Fast Taste (金碧閣) (Closed)

繼續懲罰💛店系列，係長沙灣同同事收工諗住順便食埋個飯，就行左去依個Fast Taste啦，本身諗住食意粉既，但見枱枱都叫Burger，咁就梗係唔執輸啦。同事叫左個大蘑菇素包，個蘑十分juice，而且大大份，同事食剩左4分1。而我就叫左個經典牛魔堡配薯格添，超大份，都係好勉強先食得晒，而個牛唔會死實實咁，都算juice，依個價錢黎講，真係幾抵食。但要彈下既就係杯野飲，凍飲同熱飲個size未免差得太遠，叫左個柑桔檸檬，熱既就好似細個玩煮飯仔個啲杯仔咁既size，兩三淡就飲完，而凍飲既size就十分正常，係茶餐廳個啲凍飲Size，而我冇記錯，凍飲好似唔洗加錢，個份量真係要認真控制下。