朱哥古早味蛋糕

Open Now

Now Closed

呢間大橋街市附近呢古早蛋糕店，口味相對比起其他大部分嘅古早蛋糕店嘅十幾二十款要少，只有六款，分別係原味、黑糖核桃、流心芝士、伯爵茶、朱古力同抹茶紅豆。佢哋可以一盒雙拼，方便客人可以一次試多啲唔同口味。於是我揀咗原味、黑糖核桃、抹茶紅豆同朱古力。蛋糕外皮完整，食落有小小焦香味。蛋糕濕度啱啱好，令到口感鬆軟Q彈。個人覺得黑糖核桃最好食，因為黑糖有獨特嘅香甜味，而粒粒核桃又豐富咗口感，增加咗甘香。原味雖然相對普通，但蛋香味濃，係最簡單原始嘅味道。朱古力味都好濃郁，中間夾咗一層流心朱古力，有啲食緊心太軟嘅感覺。抹茶紅豆無論口感顏色還是營養上本來就係絕配，清新嘅茶香配香甜嘅紅豆，用嚟做古早蛋糕當然都係冇得輸。