木玥巷 (Closed)

之前weekend 見好多人排所以試下，一入去成渣店員企晒喺門口圍住，但又唔係講歡迎光臨之類，你眼望我眼左陣先帶位…怪…我早收工6點鬆d天都未黑己到。我二人食，店員叫我坐高枱但我腳痛上唔到，佢就點左我去角落頭二人枱….明明有勁多吉枱…不過算，佢可能驚我食得耐之後多人。點知坐底見附近都有二人坐四人枱闊落好多。仲要我坐張凳後係牆，無位比我拉後張凳，佢凳邊又有d凸起，坐入去同走時就住攝出黎，腳痛住仲要咁真係高難度…同埋唔知係咪角落頭關係感覺有d污糟，但明明係新開無耐…叫左紅燒牛肉麵($98)同安格斯滷肉飯($88)….個飯居然有泡菜d滷肉都唔夠台式同太碎，唔台唔韓似茶記飯…個麵有肥牛，牛𦟌，牛筋，肥牛呢下又係唔係好台feel咁…我鐘意食d牛肉同牛筋一體焾焾地嗰隻，但佢唔係所以唔係好啱我。仲要食到一大半發現條蟲，好在完整唔係咬左半….但見到佢之後就覺得肚痛了，雖然明白出面食好多時都係咁好難完全避免不過都…..野飲叫左杯白桃多多，好酸好澀仲好多泡睇落似咖啡多d…..全餐我覺得最好食係個前菜個甜甜地核桃…