Video
Read full review
2023-08-06
383 views
🥟觀塘駱駝漆大廈🐪 自家製美味餃子店✨舖頭位於駱駝漆大廈三座既一樓 應該係咁多座最旺 同埋最多餐廳既一棟 一行到過去見到等lift超長個棟就啱😂 好彩呢間舖係一樓 通常我直接行一層樓梯🏃🏻♀️呢間舖頭原本應該係賣冰凍食品 主打餃子同埋日本靚牛肉令我驚訝既係佢哋有埋堂食 會即時幫你煎賣牛肉/ 煮餃子！小店超級有心 每一道菜都有自己既醬汁 而且超級細心咁介紹俾我哋聽 聽得出佢對食材好有研究🧐<餃子🫶🏻>先講餃子 佢哋主打豬肉餃子 而且豬肉係鹿兒島黑豚肉 食得出係高質豬肉 豬肉既肉汁都比較多 油脂感豐富 但絕對唔會太油！餃子煮法有分水煮 同埋煎 我真心覺得兩個都好值得試！水煮餃子有分厚皮同埋薄皮 我個人只係食過厚皮 覺得幾好👍🏻皮唔會太厚/只係食到好多麵粉 又唔會煮得過熟 餃子絕對唔會痴埋一齊 搞到d皮爛嗮 而且皮仲要少少彈牙😌 煎餃都好不錯 應該係佢哋既新品 個皮脆脆哋 絕對唔會太油！佢哋總共有四款餃子✌🏻：白菜餃、韭菜餃、粟米餃、冬菇餃白菜餃🥬: 呢個係佢哋既original 我試過咁多次 依然覺得呢個係最好食！白菜係一粒粒 但又唔會過熟 食到肉既同時又少少菜 令到口感豐
觀塘駱駝漆大廈🐪 自家製美味餃子店✨
舖頭位於駱駝漆大廈三座既一樓 應該係咁多座最旺 同埋最多餐廳既一棟 一行到過去見到等lift超長個棟就啱😂 好彩呢間舖係一樓 通常我直接行一層樓梯🏃🏻♀️
呢間舖頭原本應該係賣冰凍食品 主打餃子同埋日本靚牛肉
令我驚訝既係佢哋有埋堂食 會即時幫你煎賣牛肉/ 煮餃子！
小店超級有心 每一道菜都有自己既醬汁 而且超級細心咁介紹俾我哋聽 聽得出佢對食材好有研究🧐
<餃子🫶🏻>
先講餃子 佢哋主打豬肉餃子 而且豬肉係鹿兒島黑豚肉 食得出係高質豬肉 豬肉既肉汁都比較多 油脂感豐富 但絕對唔會太油！
餃子煮法有分水煮 同埋煎 我真心覺得兩個都好值得試！水煮餃子有分厚皮同埋薄皮 我個人只係食過厚皮 覺得幾好👍🏻皮唔會太厚/只係食到好多麵粉 又唔會煮得過熟 餃子絕對唔會痴埋一齊 搞到d皮爛嗮 而且皮仲要少少彈牙😌 煎餃都好不錯 應該係佢哋既新品 個皮脆脆哋 絕對唔會太油！
佢哋總共有四款餃子✌🏻：白菜餃、韭菜餃、粟米餃、冬菇餃
白菜餃🥬: 呢個係佢哋既original 我試過咁多次 依然覺得呢個係最好食！白菜係一粒粒 但又唔會過熟 食到肉既同時又少少菜 令到口感豐富
粟米餃🌽：粟米好甜 應該係罐頭粟米👀配埋黑豚肉好夾 我個人覺得呢個比較夾煎餃
冬菇餃🍄：冬菇味道好出 真係食到一粒粒冬菇 好足料✨ 我個人覺得呢個比較夾水煮做法
雖然餃子唔點任何醬汁都好食😋 但係我覺得都一定要點佢哋既芝麻醬/醋 有另外一種味道
餃子都可以買冰鮮 帶返屋企打邊爐食🍲！
<肉類🥩>
店鋪裡面有個大冰櫃 客人可以自己選擇想食的肉類 店員就會幫你燒埋🥹 選擇都好多而且全部都係日本高質肉🇯🇵
店員推介食肉可以點wasabi豉油 我個人就覺得咩都唔點 食到肉既原汁原味最好食😙 或者簡簡單單加鹽同埋黑椒已經好出色！
豬肋條🐖：呢個油脂會比較多 唔係好多肉 而且可能肉條比較幼 會燒得少少乾
豬腩肉心🍖：呢個超級嫩 油脂分布比較平均 而且豬肉味都好出！好推薦👍🏻
牛舌👅：牛舌我有食到一塊厚切同埋一塊薄切 我個人覺得薄切會更加爽口 而且食到牛舌尾部 會更加嫩 我個人覺得可以食薄切😻
味道：🥟🥟🥟🥟.75/5
📍和風食品(香港)和牛專門店 (觀塘)
地址：觀塘開源道60號駱駝漆大廈三座1樓F室
51 views
0 likes
0 comments
Post
