Video
Read full review
2023-11-22
769 views
#20231119 💛📍 暢和麵家 @cheung_wo_noodles 大埔寶湖道3號寶湖花園商場二樓222B號舖➖➖➖➖➖➖➖➖➖➖➖➖➖➖➖➖➖➖#花雕醉雞 #例牌 $40💭 呢間野次次經過唔係太早未開門，就係太晏閂左門，要夾得中佢開門時間真係有啲難度🤦🏻今次咁好彩比🐷撞正仲要唔使等位，一坐低咩都想嗌尼食😬醉雞整得好彈牙，雞皮爽滑，連平時唔食雞皮既🐷都忍唔住偷食左幾舊🐔而且好有酒香味，後悔叫左例牌咁少，應該要叫半隻先夠喉🥃.#台南花枝丸 $31💭 唔好以為佢收成$31但係得3粒咁大把，其實呢個係配粉麵價，🐷轉左配蝦籽撈麵所以先會咁大碗野得3粒，但正正咁就發現到佢一啲都唔求其，就算得3粒都唔會就咁放上個撈麵面就算，而係會跟返湯比客👏🏼花枝丸真係台灣用啲銀色羹食果隻口感，偏實淨又不失彈牙，重點係好鮮甜，食到有啲花枝粒🦑. 🥢 #轉 #蝦籽撈麵 +$6💭 依家蝦籽撈麵真係越尼越少見咁，呢個麵十分乾爽，咬落彈牙，灑左好多蝦籽係面令個麵咸香味好足🍜如果食得辣既強烈推介佢個辣椒油，無論湯麵定撈麵都落得，落少少落去成件事提升左好多，見佢有得就咁賣就知咩料啦🌶️.#蜆蚧鯪魚球 $27💭 新鮮炸起熱
📍 暢和麵家 @cheung_wo_noodles
大埔寶湖道3號寶湖花園商場二樓222B號舖
➖➖➖➖➖➖➖➖➖➖➖➖➖➖➖➖➖➖
#花雕醉雞 #例牌 $40
💭 呢間野次次經過唔係太早未開門，就係太晏閂左門，要夾得中佢開門時間真係有啲難度🤦🏻今次咁好彩比🐷撞正仲要唔使等位，一坐低咩都想嗌尼食😬醉雞整得好彈牙，雞皮爽滑，連平時唔食雞皮既🐷都忍唔住偷食左幾舊🐔而且好有酒香味，後悔叫左例牌咁少，應該要叫半隻先夠喉🥃
.
#台南花枝丸 $31
💭 唔好以為佢收成$31但係得3粒咁大把，其實呢個係配粉麵價，🐷轉左配蝦籽撈麵所以先會咁大碗野得3粒，但正正咁就發現到佢一啲都唔求其，就算得3粒都唔會就咁放上個撈麵面就算，而係會跟返湯比客👏🏼花枝丸真係台灣用啲銀色羹食果隻口感，偏實淨又不失彈牙，重點係好鮮甜，食到有啲花枝粒🦑
.
🥢 #轉 #蝦籽撈麵 +$6
💭 依家蝦籽撈麵真係越尼越少見咁，呢個麵十分乾爽，咬落彈牙，灑左好多蝦籽係面令個麵咸香味好足🍜如果食得辣既強烈推介佢個辣椒油，無論湯麵定撈麵都落得，落少少落去成件事提升左好多，見佢有得就咁賣就知咩料啦🌶️
.
#蜆蚧鯪魚球 $27
💭 新鮮炸起熱辣辣，望落去金黃色漲卜卜咁，十分次吸引🤩心急一上枱就想食，一咬落去差啲辣親🐷喇，口感彈牙，配埋個蜆蚧有啲咸咸地，就咁食都可以食好多個喇😋
.
#大埔美食 #大埔黃店 #🐷在大埔 #🐷_食
Post
