越色牛肉粉餐廳 (Closed)

我入過去兩次，兩次都未叫野食就走。點解？第一次，兩個人入去，成間鋪無人，佢俾左張貼牆二人檯我，問左俾大啲得唔得，張檯放兩碟野都唔夠位咁，即刻起身走。第二次，落雨唔想行咁遠，俾多次機會佢，今次我指左四人檯先，有個侍應都示意ok，臨坐低個下有個女經理大叫「兩位坐呢邊」，一望二人檯左右都係人，佢解釋話四人檯要留俾三至四人，我x，入面又係幾張吉檯。我又起身走了。野食我就唔知好唔好，但服務差成咁，好似求佢俾個位咁，真心唔會有第3次機會，行遠啲去利園俾貴啲都冇咁嬲。