太興 (Moved) New Location

昨日假日又係星期日, 出街食飯有個風險係等位, 等到有位時, 多數會係三尖八角, 左拉右搭咁, 食到逼逼夾夾, 背脊骨落。但行到西灣河街頭, 肚餓, 知道太安樓對外有幾間食肆, 希望坐得好好地, 望望環境, 幸好, 十二點未有等位, 但靠得住明顯無人, 即係好極有限, 反之太興已坐九成滿, 可一試, 平日就唔係好想入, 因為佢價錢屬偏貴而唔太特別。入內, 剛有卡位, 正, 舒舒服服。見餐牌定好幾款午餐, 燒味, 款款差唔多價錢6字頭, 有飲品, 一於就試下梅菜扣肉飯。碟飯黎到, 有少少驚喜係同菜牌個樣差唔多樣, 兩條菜心放兩邊, 出菜那位人兄都算有心機, 兩條辣椒絲添了紅色, 幾靚。食落, OK 喎, 第一反應係: 好過泉章居, 扣肉好化, 唔會柴皮咁實。味道, 梅菜比例均勻。白飯另上。跟杯冰鎮奶茶, 好凍, 但幾滑, 有茶味。總體黎計, 太安樓太興各方面配合得宜, 以假日黎計, 60元就變得係好合理既洗費。