太平飯店 (Closed)

經朋友大力推介，於是這個星期天就同幾條友一齊到左依間太平飯店食個晚飯。我地幾個最後都係變左我一個揀食啲咩，咁我當然係當仁不讓地揀合自己眼緣嘅食物啦！一個就係個溏心蛋，因為佢講到又酒又花雕好似好勁咁，咁一定要試下。跟住就係個胡椒豬肚，算係正氣野，個個都食得。然後就係黃金糖醋麵，都係一個望落好似好勁嘅菜式。溏心蛋黎先，一開始有少少失望，因為個份量並唔係話好大，但食落都覺得係物有所值嘅，好溏心之餘，有種幾特別嘅蛋香同酒香嘅味道，算係一個唔錯嘅體驗。胡椒豬肚出乎意料地大份，入面嘅豬肚真係幾足料，腍軟味濃。每人一碗胡椒豬肚湯，放在這個轉秋微涼的天氣中，格外地暖胃，我自己本身是特別鍾意飲湯嘅人，所以飲左兩碗添。最後嘅黃金糖醋麵，上碟個賣相金黃脆熱，望上去係幾好食，試落真的好脆，味道係很開胃的酸甜味道，不像是外來加上的甜脆，而是一點一點在麵中滲出來的。大家將糖醋麵敲成一片片來食，就好像食一道香脆的小食一樣，好快就食哂