巴西燒烤餐廳 (Closed)

今日 lunch 同同事去了尖東的巴西燒烤食 lunch buffet, 才$38, 加一後才$42，食得過，加上未食過巴西燒烤，試吓都好。 先來熱盆，嘩，黑椒雞扒好嫩滑，黑椒汁香而不辣，正！烤豬骨，好惹味，不過同事拿的部位就好“鞋”。春卷，味道唔錯，不過“林”咗，可惜！番茄肉片，都好味，不過是住家feel。烤番茄，一般，烤得唔夠香。焗薯角，都麻麻，都係唔夠香脆。喬麥麵，冷麵，ok，但汁方面淡咗d。再來主菜、小吃加沙律。炒飯和炒麵都無乜料，不過都好味。菜心有沙，差！和風小食，味道怪怪哋。沙律就好好味，值得推介！已經開始飽飽哋，食甜品先！哈密瓜好多汁，唔錯！仲有西瓜，不過我無食。蛋糕以mousse蛋糕為主，有朱古力、草莓、紅豆、石板和薄荷。紅豆和石板枯清，我試了朱古力、草莓和薄荷。前兩種大路都ok，薄荷就太淡了，又“漏”，味道更被底下的杏片搶晒，差、差、差！桂花糕、杏仁豆腐和朱古力奶油蛋糕都值得推介！紫色的那件真的食不出是甚麼味，得個甜字，不知所謂！焗蛋糕和啫厘糖都淡到你估唔到！不過 $42 食 lunch buffet 仲有餐飲送，仲想點吖？！算係咁啦！好飽。