馬六

Open Now

Now Closed

其實都食過好幾次馬六，之前同屋企人食都係西灣河分店。疫情已經快一年，由於好掛住新加坡及馬拉美食，所以自己一個人係土瓜環店食足兩日lunch set。第一日食檳城老鼠粉set $68，第二日食海南雞飯set $65。首先，老鼠粉真係第一次食，其實望落去似狗仔粉，瀨粉。不過本人覺得口感麻麻，食落口夠乾身，咬開左覺得個口好”粉”，好一粒粒粉團既感覺。而且無咩味道。老鼠粉配左炒肉粒，不過比較多肥肉粒，我反而鍾意佢既配菜，炸魚仔好香口，菜脯又好入味，帶返老鼠粉有返味。另外海南雞飯就普普通通，雞油飯尚香口，但較濕。三個醬汁中，我反而覺得紅汁少辣中帶甜酸，好開胃。另外醬油就無特別，薑油就好重麻油味但無薑味。兩次都叫左南洋白咖啡，我叫左少甜就剛剛好，唔食得甜既記住少甜，如果唔係會後悔lol。