Orange Elephant Thai Restaurant (博文街) (Moved) New Location

今天約了朋友來到她公司附近食飯，網上見到這個泰國餐廳好似不錯，所以便來這裡吃飯!餐廳座位都幾多，而且跟他的餐廳名一樣，有很多象的佈置。餐廳門口已經看到有個牌寫著每日優惠價,可以用$1就可以叫到每日指定菜式!酸辣去骨鳳爪沙律 ($1)，這款沙律原價要$72，但今天可以用$1的優惠價叫到!鳳爪已去骨， 食起來好方便!味道酸酸辣辣，好開胃!做餐前小食一流!咖哩海鮮脆包盅 ($148)，咖哩好香好滑而且唔辣，不能吃辣的朋友吃便剛剛好!由於是脆包盅，所以包都幾大份，點上咖哩吃特吃香口!而海鮮除了有青口，還有魚肉、魷魚等!椰青焗海鮮飯 ($104)，平時吃泰國菜成日都會見到有這款海鮮飯， 但一直未有機會試，這次終於試了!原來真係好清香，啖啖飯都有椰青肉, 陣陣椰香味!加上有海鮮的鮮甜，令這個飯感覺很清新!椰青 ($42)，很清甜，而且都算幾大個，滿滿的椰青水，解渴一流!芒果冰特飲 ($36)，即是芒果沙冰，好香芒果味，而且唔會好甜，熱辣辣的天氣飲一杯實在不錯!下次要再夾岩時間再來吃他們的$1優惠菜!