Video
Read full review
2021-07-08
723 views
位於窩打老道既文樂園，雖然響鋪面上稍為窄身而令佢響鬧市中既存在感減低，但其實完全唔影響佢既食物質素! 今日就由小編與老公帶大家試下呢間中式既點心專門店先：文樂園大約位於培正中學對面，如果由旺角出發可沿窩打老道火車橋底再行多3分鐘﹑或者沿亞皆老道火車橋底，轉入勝利道 (寵物街+食街)後，行到窩打老道口轉左就會見到。文樂園與大家平時於連鎖中式包點店所見到既款式都相類似，不過小編都留意到佢地係直接用蒸格去蒸熟點心，而唔係傳統個款蒸籠，相信都係因為空間問題，而且外賣既時候都要由蒸籠倒至外賣盒內，咁樣點心就有機會反轉而令賣相唔好。坐位方面，由於店鋪以外賣為主，不過都為左方便趕時間或太肚餓既客人，所以都設置左兩個高座位。點心方面，首先介紹左小編此行既目標隱藏餐單 - 七色燒賣 ($48)：由於餐單無顯示關係，如果想食既話就記得落單個陣特別指明喇! 亦都係因為隱藏餐單而需要即叫即蒸既關係，大家要有心理準備等大約20分鐘左右。七色燒賣包括：黑松露﹑蟹子﹑菠菜﹑粟米﹑麻辣﹑芫茜﹑以及芥辣。聽起黎都覺得特別呢，平時大家響某兩間小籠包專賣店都會見到七色小籠包，但七色燒賣小編就真係第1次聽喇! 小編都大約七款
文樂園大約位於培正中學對面，如果由旺角出發可沿窩打老道火車橋底再行多3分鐘﹑或者沿亞皆老道火車橋底，轉入勝利道 (寵物街+食街)後，行到窩打老道口轉左就會見到。
文樂園與大家平時於連鎖中式包點店所見到既款式都相類似，不過小編都留意到佢地係直接用蒸格去蒸熟點心，而唔係傳統個款蒸籠，相信都係因為空間問題，而且外賣既時候都要由蒸籠倒至外賣盒內，咁樣點心就有機會反轉而令賣相唔好。
坐位方面，由於店鋪以外賣為主，不過都為左方便趕時間或太肚餓既客人，所以都設置左兩個高座位。
點心方面，首先介紹左小編此行既目標隱藏餐單 - 七色燒賣 ($48)：由於餐單無顯示關係，如果想食既話就記得落單個陣特別指明喇! 亦都係因為隱藏餐單而需要即叫即蒸既關係，大家要有心理準備等大約20分鐘左右。
七色燒賣包括：黑松露﹑蟹子﹑菠菜﹑粟米﹑麻辣﹑芫茜﹑以及芥辣。聽起黎都覺得特別呢，平時大家響某兩間小籠包專賣店都會見到七色小籠包，但七色燒賣小編就真係第1次聽喇! 小編都大約七款燒賣既評價先：
黑松露(左下)：推薦! 燒賣加入大量既黑松露醬，所以食個陣充滿好大陣既松露味，同時某程度上亦可以中和少少燒賣本身既豬肉而產生既油膩感；
蟹子(右下)：還好! 其實即係燒賣既原本設計，唔算太油膩，但始終係豬肉燒賣，所以蒸出黎個陣表面點都會有層油，如果真係怕肥既人可以輕輕洗洗再食既；
菠菜(右上)：好味! 雖然菠菜味唔算太強，但菠菜以切碎形式饟入豬肉內，所以如果作為平衡燒賣豬肉與菜既比例去達致健康飲食都可以；
粟米(正上)：好味! 粟米粒份量都多，粟米以原粒去同燒賣一齊蒸，所以粟米既汁混入燒賣後令燒賣既油膩感減低；
麻辣(左上)：推薦! 麻辣味非常強! 雖然唔係麻味而係辣味為主，但因為利用蒸熱既方式，所以麻辣汁可以滲入豬肉既每一處，甚至咬開個陣都有麻辣汁濺出；
芫茜(中間右)：還好! 小編本身唔太鍾意芫茜關係，但呢款芫茜可能份量唔算多，所以芫茜味唔算太重；
芥辣(中間左)：出色! 估唔到芥辣既辣味完全蓋過本身燒賣既味道，仲要因為芥辣既嗆鼻情況，令小編食個陣有少少尷尬! 大家享受之前都要留意!
除七色燒賣外，小編都嘗試左流心奶黃飽﹑花膠灌湯餃﹑金絲炸芋角﹑以及香辣銀針粉。
花膠灌湯餃($38)：特別推薦! 平時大家響酒樓食既灌湯餃係因為豬肉較多關係而令人覺得油膩﹑甚至會有錯覺以為自己係食緊低質素既肉餃 - 文樂園既灌湯餃就完全唔同，成份以蝦粒﹑蟹柳粒﹑以及磨菇片為主，所以食個陣會清好多，再加上整片花膠作為養顏用都唔錯架!
流心奶黃飽(每件$8)：流心感都唔錯，奶黃既味道偏向咸黃個種甜，但同時甜味仍然保持著既。
金絲炸芋角($20)：還好! 可能係因為炸左段時間，變左咬開個陣會發生芋角與炸絲分開哂，打卡角度可以但味道上要更加努力。
香辣銀針粉($26)：響平時食到既炒銀針粉上加辣油再炒，食落去又真係幾惹味，雖然蘿蔔絲切得比較粗，但好處係口感上會增加唔少!
綜觀黎講質素上都幾高，七色燒賣都令人有驚喜，所以都算值得推薦俾大家去試呢! 當然外賣點心其實都會因為怕點心凍唔好味而會選擇就近既，但正正佢地有兩張櫈方便即場品嘗，有機會經過既話都可以試下呀。
Other Info. :
(唔知七色燒賣會唔會吸引到Facebook上某燒賣關注組既成員去試味呢?)
(The above review is the personal opinion of a user which does not represent OpenRice's point of view.)
Post
