康瑞涼茶 (Closed)

涼茶鋪賣埋芋圓賣到出哂名開店專賣都好似剩係得呢間啦，特登黎試下係咪真係咁正~都幾多選擇架喎，但好似我咁有d選擇困難既人唔洗怕，可以選個乜都有既特式仙草百配特式仙草百配D芋圓地瓜圓又真係幾好味喎，入口有淡淡地既芋頭地瓜味，少少甜又夠Q~ 而且碗糖水材料勁豐富呀，有：仙草，芋圓，地瓜圓，珍珠，紅豆，薏米，椰汁。食落涼涼地又唔會太冰，岩哂唔想食熱又怕食生冷野既女仔，再加上呢款偏向少甜既，食糖水既罪惡感都即時少幾成呀椰奶紅豆沙配， d紅豆沙真係夠沙架，但相比起仙草百配就真係甜左少少仲有一上桌就有人偷食既椰汁西米露配，呢款好香椰汁味~好味，我諗要搵時間黎多幾次先可以試埋其他款啦值