Video
Read full review
2019-12-21
307 views
午餐咁趕都食Omakase或者你會笑我傻，但係臨近聖誕又無得去日本嘅我，就決定今日中午去公司附近食午市廚師發辦，只要有足夠時間就可以以晚市一半價錢享受到同樣質素。呢間係利東街地鐵出口行1分鐘就到，餐廳是日壽司吧滿座，我就坐下面既卡位。<前菜>漬物係燒汁煮蘿蔔，超軟腍，又唔會好鹹。沙律，有嫩滑豆腐，配胡麻醬，份量幾大。茶碗蒸，蛋中有嫩菇、雞肉，熱辣辣上到。<十二件壽司>真鯛，中間用左芥末，同其他鯛魚比又無咁爽口，魚油頗盛。春魚，非常爽口，比較厚切，油少，味道無咁濃郁，係口感之物。平政魚，半爽，味道好鮮，原來係油甘魚同類，油份充足。深海池魚，薄切無筋，好甜美。牡丹蝦，蝦鮮味好豐富，口感黏黏。帶子，嫩口鮮甜。銀鱈魚，通常西京燒熟食，呢度就有得生食，口感爽口，每咬一口魚油溢出。赤幹魚，比較少見，夠曬鮮甜。有口魚邊，火炙過後好香，用足豉油調味，帶鹹香。活赤貝，好滑好爽。蝦，甜蝦，同牡丹蝦比，比較爽口。拖羅，魚油豐富，無筋，好鮮！馬糞海膽，超級鮮甜，一啖入口超滿足。蔥拖羅手卷，最後呢個都非常正，蔥調味非常得宜，好厲害。<吸物>用左蝦煲呢個湯，味道富有
<前菜>
漬物係燒汁煮蘿蔔，超軟腍，又唔會好鹹。
沙律，有嫩滑豆腐，配胡麻醬，份量幾大。
茶碗蒸，蛋中有嫩菇、雞肉，熱辣辣上到。
<十二件壽司>
真鯛，中間用左芥末，同其他鯛魚比又無咁爽口，魚油頗盛。
春魚，非常爽口，比較厚切，油少，味道無咁濃郁，係口感之物。
平政魚，半爽，味道好鮮，原來係油甘魚同類，油份充足。
深海池魚，薄切無筋，好甜美。
牡丹蝦，蝦鮮味好豐富，口感黏黏。
帶子，嫩口鮮甜。
銀鱈魚，通常西京燒熟食，呢度就有得生食，口感爽口，每咬一口魚油溢出。
赤幹魚，比較少見，夠曬鮮甜。
有口魚邊，火炙過後好香，用足豉油調味，帶鹹香。
活赤貝，好滑好爽。
蝦，甜蝦，同牡丹蝦比，比較爽口。
拖羅，魚油豐富，無筋，好鮮！
馬糞海膽，超級鮮甜，一啖入口超滿足。
蔥拖羅手卷，最後呢個都非常正，蔥調味非常得宜，好厲害。
<吸物>
用左蝦煲呢個湯，味道富有蝦鮮味。
<甜品>
紅豆雪糕麻糬。原來係師傅自己整既，食完呢個冰涼甜品，令呢個冬天不太冷既天氣下有番啲聖誕幸福感覺。
是日午市Omakase係冇催單情況下歷時1小時15分鐘，大家係附近返工既朋友可以一試哦。呢度侍應同師傅都好有禮貌好有笑容，好有日本感覺。
Post
