蠔站 (將軍澳中心) (Closed)

📍蠔站蠔站已經開左好多間分店，最主打一定係$10一隻生蠔，除左生蠔之外，其實入面既lunch set性價比都好高，咁吸引一定要黎試下。👅法國生蠔Tatihou $120/打一上枱絕對唔失禮，擺盤都唔會馬虎，法國生蠔都唔算細隻，食到淡淡既海水味，開得算乾淨，整體質數都唔錯，秒速就掃清光，講真，十蚊一隻仲想點！👅石燒蒜片牛柳粒 $108牛柳粒份量都唔少，食入口雖然牛味唔算好突出，但絕對唔韌，反而仲好軟稔，連埋蒜片一齊食就更加惹味。👅石燒澳洲西冷牛扒 $148牛扒有12安士，揀左5成熟，切開塊扒入面都係偏粉嫩，可以用石燒板再調較生熟程度，如果鐘意食牛味重d既朋友應該一定好岩，牛質都唔會太鞋口。