Video
Read full review
2018-08-19
2072 views
今日好特別，一朝早返到去就已經諗住晏晝食啲乜，因為我秘書少有地請我地食 lunch ，好興奮。識咗佢10幾年，但係我真係諗唔到上一次佢請我食lunch係幾時。一路都喺度諗，究竟佢會請我去邊度食lunch，到一點鐘嗰陣時先開估，原來係我之前嚟過幾次嘅鮨野Sushi Ono。不過我都好耐冇嚟過，之前果幾次都係上年發生嘅事。今日入到黎同之前嘅感覺非常之唔同，因為餐廳全場爆曬，加上有四個壽司師傅，我印象中之前冇咁多壽司師傅。餐廳嘅裝修都幾唔錯，我發現佢好似加咗四條柱喺個電梯大堂同啲凳中間，我覺得做法好聰明，一來嗰四條柱有啲日式嘅感覺，提升咗餐廳內既裝修。二來可以將餐廳部份同埋電梯大堂分隔。仲可以提供一個等候區俾未入座嘅人客，唔會騷擾到已經坐咗喺度嘅人客。我叫咗個刺身餐，我秘書同埋其他同事就叫咗壽司餐。首先來嘅係蒸蛋丶沙律同麵豉湯。啲蛋好滑，有真蟹肉丶菇等，味道非常清甜。個沙律面頭落咗一啲類似濃味嘅蝦片，都幾特別，食落去嗰陣時都幾有咬口，幾好。啲汁亦唔會太酸。麵豉湯裏面有三種菇，都做得幾用心。之後就輪到刺身。每一種刺身折法都唔同，厚薄都唔同。其中一種刺身叫平政魚，我孤陋寡聞，都未食過呢種魚。平政
餐廳嘅裝修都幾唔錯，我發現佢好似加咗四條柱喺個電梯大堂同啲凳中間，我覺得做法好聰明，一來嗰四條柱有啲日式嘅感覺，提升咗餐廳內既裝修。二來可以將餐廳部份同埋電梯大堂分隔。仲可以提供一個等候區俾未入座嘅人客，唔會騷擾到已經坐咗喺度嘅人客。
我叫咗個刺身餐，我秘書同埋其他同事就叫咗壽司餐。
首先來嘅係蒸蛋丶沙律同麵豉湯。啲蛋好滑，有真蟹肉丶菇等，味道非常清甜。個沙律面頭落咗一啲類似濃味嘅蝦片，都幾特別，食落去嗰陣時都幾有咬口，幾好。啲汁亦唔會太酸。麵豉湯裏面有三種菇，都做得幾用心。
之後就輪到刺身。每一種刺身折法都唔同，厚薄都唔同。其中一種刺身叫平政魚，我孤陋寡聞，都未食過呢種魚。平政魚刺身做法好特別，裏面包咗一啲用紫菜做嘅醬。食落去平政魚刺身嘅質地比較爽。深海池魚刺身切得好大粒，魚肉都非常之肥，食落去口感非常好，好食，一啲都唔腥。甜蝦味道非常之濃，味道很好。相信係用咗啲蝦膏，放咗喺蝦肉上邊。吞拿魚腩（大拖羅）同其他大拖羅都係一樣，有一啲根，所以我不嬲都唔係大拖羅嘅fans，不過拖羅都好新鮮。
最後，仲有雪糕，但係個雪糕好硬。
壽司師傅同埋侍應嘅服務態度都好。由於我唔清楚嗰啲魚係啲乜嘢魚，所以我每食完一舊都有問一問師傅嗰舊係咩魚，師傅雖然忙於為其他客人做壽司，但係佢都好有禮貌咁同我解釋。我叫個餐嗰陣時同侍應講想要多碗飯。佢就話：「一陣間你食完碗飯嗰陣時我幫你添飯啦！」係我未食完我碗飯嗰陣佢就已經問我要唔要添飯。
多謝我秘書請食晏，同將一間我久違嘅餐廳再次聯上。
總結
- 我秘書少有地請我地食 lunch ，好興奮
- 今日入到餐室同之前嘅感覺非常之唔同，因為餐廳爆曬同埋有四個壽司師傅
- 餐廳嘅裝修都幾唔錯
- 有四條柱喺個電梯大堂同啲凳中間，做法聰明而美觀
- 推介 : 刺身餐
- 蒸蛋蛋好滑，有真蟹肉丶菇，味道非常清甜
- 沙律食落去嗰陣時都幾有咬口，幾好
- 麵豉湯裏面有三種菇，都做得幾用心
- 每一種刺身折法都唔用
- 平政魚刺身同深海池魚刺身都好食，甜蝦味道非常之濃
- 服務態度好
蒸蛋
26 views
0 likes
0 comments
刺身
34 views
0 likes
0 comments
平政魚
44 views
0 likes
0 comments
深海池魚
16 views
0 likes
0 comments
Post
