Video
Read full review
2025-01-09
583 views
原來唔經唔覺，呢間餐廳已經幫襯咗10年！仲要味道上都冇咩大變，值得大家繼續幫襯落去。✨火焰麻辣雞煲 天氣依舊帶點涼意，麻辣雞煲正正合我心意，一間餐廳嘅雞煲帶有火焰嘅視覺效果，雞肉嫩滑，整體醬汁唔會太鹹 ，麻唔香味出色，仲可以叫佢多啲芫荽添！肉食大王可以選擇啖啖肉嘅雞煲，或者亦都有半隻雞呢一個選項～✨巨型水管響鈴 響鈴呢一種邪惡嘅火鍋配料，一定要點返一份！嚟到真係忙到眼都凸埋非常非常之巨型，而且外層香脆，唔需要浸太耐都好入味。✨特色手打丸拼盤 餐廳自己手打，全部都係有自家嘅特色！例如烏卒卒墨魚丸、竹笙墨魚滑、蝦中寶，食落去特別彈牙而且足料。✨ 手打M5和牛丸呢部份係後期追加，因為佢嘅丸類真係食到我舔舔脷，牛丸好大粒好有份量，食得到濃郁嘅嘅牛肉香氣，而且咬落去仲會爆牛汁，有啲似縮細版嘅牛肉漢堡一樣！✨五香鮮牛肉份量遠遠比我想像中嘅多，鮮紅色嘅滑牛食落去好柔軟同時有極厚身！✨午餐肉邪惡中嘅邪惡，但係雞煲一定要有！餐廳已經預先幫你炸起！✨蔬菜類有幾多分邪惡就要俾返些許嘅健康感，所以分別叫咗金菇、油麥菜、萵筍，餐廳全部都可以半份半份咁樣叫，特別適合兩個人嘅份量。✨脆鯇腩餐廳都有好多款生猛嘅海鮮
原來唔經唔覺，呢間餐廳已經幫襯咗10年！仲要味道上都冇咩大變，值得大家繼續幫襯落去。
✨火焰麻辣雞煲
天氣依舊帶點涼意，麻辣雞煲正正合我心意，一間餐廳嘅雞煲帶有火焰嘅視覺效果，雞肉嫩滑，整體醬汁唔會太鹹 ，麻唔香味出色，仲可以叫佢多啲芫荽添！肉食大王可以選擇啖啖肉嘅雞煲，或者亦都有半隻雞呢一個選項～
✨巨型水管響鈴
響鈴呢一種邪惡嘅火鍋配料，一定要點返一份！嚟到真係忙到眼都凸埋非常非常之巨型，而且外層香脆，唔需要浸太耐都好入味。
✨特色手打丸拼盤
餐廳自己手打，全部都係有自家嘅特色！例如烏卒卒墨魚丸、竹笙墨魚滑、蝦中寶，食落去特別彈牙而且足料。
✨ 手打M5和牛丸
呢部份係後期追加，因為佢嘅丸類真係食到我舔舔脷，牛丸好大粒好有份量，食得到濃郁嘅嘅牛肉香氣，而且咬落去仲會爆牛汁，有啲似縮細版嘅牛肉漢堡一樣！
✨五香鮮牛肉
份量遠遠比我想像中嘅多，鮮紅色嘅滑牛食落去好柔軟同時有極厚身！
✨午餐肉
邪惡中嘅邪惡，但係雞煲一定要有！餐廳已經預先幫你炸起！
✨蔬菜類
有幾多分邪惡就要俾返些許嘅健康感，所以分別叫咗金菇、油麥菜、萵筍，餐廳全部都可以半份半份咁樣叫，特別適合兩個人嘅份量。
✨脆鯇腩
餐廳都有好多款生猛嘅海鮮，唔鍾意心大心細可以選擇佢嘅拼盤，但係小編真係太鍾意食脆鯇腩，咬落去啖啖肉仲要帶點爽脆嘅口感！
✨自定製竹蔗茅根
餐廳自家製飲落好清甜，完全冇任何糖漿嘅味道 ！仲要1.5L一大桶已經足夠兩個人分享，玻璃壺裏面全部都係見到湯料～
📣📣📣餐廳踏入10周年，係一件值得開心嘅事，而且食物保持住水準，值得我哋大力支持！！
Post
