人生有限杯.串燒店

Open Now

Now Closed

上環九如坊既人生有限杯，個位都幾隱蔽同低調，喺九如坊小巷，雖然佢地位置喺上環，但佢哋既串燒一啲都唔貴，最平 $10 就有交易，而且啤酒買一送一，即係$24 就有一杯，價錢極之親民! 肉類 先講肉類，我哋叫咗呢咩～ 雞種類有大蔥雞肉同鹽燒雞皮豬肉有鹽燒西班牙五花腩同味噌松板豬。另外，牛肉有鹽燒牛舌芯、鹽燒手切封門牛肉同韓風燒牛肋肉。雞肉同五花腩都醃得幾入味，燒得啱啱好，唔會太乾。味噌松板豬就比較特別，味噌嘅香味好突出，豬肉都好嫩滑。雞皮燒得好脆，牛舌芯、封門牛同牛肋肉都唔錯，肉質鮮嫩～其他料理：老油條爆芝士老油就幾有創意入面係墨魚滑加埋油條同芝士鹹鹹甜甜好脆口咖喱牛舌菠蘿包呢個組合幾特別，但味道又出奇地夾！蒜蓉菜脯燒茄子調味就比較辣，不過都幾惹味蜜糖燒芝士年糕，芝士小食我完全抗拒唔到呀～明太子忌廉烏冬比我想像中大碗仲有記住留肚食西多雪糕 超好食！飲品方面，我哋叫咗兩杯Sapporo生啤同埋一杯手打檸檬茶。生啤做緊買一送一，幾抵飲。檸檬茶都唔錯，夠晒清新解渴。