日悅極尚日式放題 (Closed)

今日去開旺角返完學，好想同我嘅好同學一齊去食個美味嘅豐富晚餐先返屋企，”放題”直頭一個好主意添啦, 我揀咗呢間就係日悅極尚日式放題。一入到黎已經好舒服啦，環境非常優雅，用韓國風主題為主，型格得來光線充足，同埋都係坐呢啲卡位設計，舒服得來私隱到度十足。出邊吧枱位都好多嘢食架可以自製沙律加醬汁、有新鮮水果、涼拌菜、精美甜品、最估唔到嘅係竟然有生啤自助飲，好可惜我唔飲酒啦～唔好講咁多，即刻入題講下食物：涼拌菜：涼拌菜非常新鮮，辣青瓜咬落口爽口得來有蔬菜鮮味，辣椒汁唔會得死辣，帶有甜味。雲耳爽口彈牙好新鮮。涼拌八爪魚醬汁帶甘，八爪魚鮮甜得來唔會覺韌。秋葵好脆口，即使冇醬汁都唔會好乾身。鴨胸完全冇乾身嘅感覺，食落口容易入口，唔會有食肉類嘅肥膩感。刺身：刺身拼盤非常精美上枱，上枱嘅時候非常精美嘅裝飾，同埋我最鍾意嘅乾冰，非常吸引眼睛。全部刺身咬落口都非常彈牙架，入落口入口即化。三文魚非常鮮甜，入口即溶。蟹柳鮮甜可口。帶子粒粒都大過個$5硬幣㗎，咬落口有份量有厚度有肉汁加爽，多重享受。甜蝦清理得好乾淨，非常新鮮。而我最鍾意最鍾意嘅就係希靈魚，食落口博博脆，超級可口。壽司：呢間餐廳嘅創意壽司出色得很。