百味堂 (Closed)

百味堂都開左一段時間，由K11開到銅鑼灣，再開埋海港城，終於變得方便就腳。來自韓國的大熱甜品店，有咩吸引之處，先食個原味牛奶雪糕。其實款式同口味都好多種類，水果類至茶類口味的雪糕，還有麵包、蛋糕及飲品。仲有個輕怡套餐都幾吸引，旁邊也有位給客人慢慢品嘗。先選擇自己喜好食物，落單付款。就有個響機給客人等待，一響就是通知客人去取食物。原味牛奶雪糕 $48（100%有機牛奶製造）賣相好靚好完美，牛奶味好濃郁，但口感清爽水潤，因為冰感偏重，入口溶開有如牛奶沙冰，甜度剛好，好味又解暑，脆筒保持脆口感，值得一讚。份量頗多都算控食。