豬屋日本料理

Open Now

Now Closed

呢度食午餐餐好抵，原來星期日都會有午市。一個刺身飯餐先至$72 ，成個表面都係刺身！ 好足料，有三文魚，有蟹籽，仲有立魚，螺肉，青瓜等等，食極都仲有，唔會食兩三啖就冇晒啲刺身粒粒。 跟餐仲有蒜味螺肉，就係平時食開嗰啲。同埋一個日式蒸蛋，都好嫩滑。我朋友就叫咗個便當。 便當都好豐富，鯖魚係成條，平時出面食，腥唔腥就睇彩數，但呢間係絕對唔腥！ 咖喱飯係甜咖喱，唔食得辣嘅都可以試吓。仲有幾片刺身，仲有幾片豬頸肉，想食好多唔同種類嘅人就啱晒啦。最後同場加咗隻雞翼同埋牛舌，呢度嘅串燒都唔錯，牛舌好厚好Juicy !! 雞翼都燒得啱啱好，仲係好多汁，好嫩唔會好老