Ristorante Pizzeria Da Vincenzo

Open Now

Now Closed

$108一個set lunch，對於大角咀呢個區黎講，如果就咁睇價錢係偏高嘅，不過如果以一個正宗嘅意大利餐廳去睇，其實真係物超所值，佢呢度lunch嘅價錢係畀晚市價錢差唔多平一半，但係份量同質素都一樣冇減。沙律同埋餐湯之間我選擇咗沙律，因為今日嘅餐湯係南瓜湯，唔係好啱我胃口，如果沙律一到嘅時候真係有驚喜喎，一來好大碟，二來啲沙律菜好新鮮，溝埋黑醋同埋橄欖油好正。主菜就試咗一個名為番茄醬扭扭粉配意大利豬肉腸、青豆、牛肝菌同埋雜菌嘅意粉。佢個扭扭粉好有彈性，而佢落咗個番茄醬令到個意大利豬肉腸唔會好滯好漏，另外佢個牛肝菌同埋雜菌都好香。另外碟面嘅芝士粉都好正，啱晒我呢D Cheese Lover。之後我加咗$15要咗個tiramisu，呢度個tiramisu做得幾好幾滑，有tiramisu做甜品就梗係要飲返杯咖啡啦，杯咖啡仲係免費嘅餐飲。