Fini's (石水渠街)

Open Now

Now Closed

難得可以平日同媽咪過灣仔，嗱嗱聲訂位食好西。餐廳位置都可以搵其實就喺香港博物館呢幢藍色嘅建築物對面，Fini’s個正門口喺望住大馬路嘅。是日仲有兩個外國人喺度飲酒吹水，撇除香港咁熱嘅天氣嘅話，係幾有feel嘅！由於我喺餐廳開門時間12:00就到達，暫時一枱客都未有嘅平日Lunch Set$109（包含：前菜or餐湯，任何一款意粉or是日薄餅，餐飲）餐廳主打係手工意粉及18吋大薄餅，當日嘅是日薄餅係沙樂美薄餅，正吖，可惜媽咪無興趣，最後就揀咗兩份手工意粉。前菜及沙律媽咪揀咗蟹肉意粉，意粉上面有大量嘅蔥同豆豉，好鬼特別！我同媽咪都係第一次食到有豆豉嘅意粉，開頭見佢圓轆轆，我仲以為係黑胡椒。整體個味道就好似避風塘咁！我就叫咗個肉醬闊條麵，味道酸酸地，個麵都幾煙銀。聽講個肉醬係用咗牛尾及豬頰肉做，所以都有唔少肉碎食到㗎！講到最尾下次一定要約埋幾個朋友，去試下個18吋大薄餅。希望好似Motorino一樣咁正喇！