萬發海鮮菜館

Open Now

Now Closed

一行八人到這裡食晚飯。風沙雞1隻，皮好脆但肉質比較乾。豉椒炒蜆，冇乜肉，凍左之後個汁比較糊口。鹵水拼盤，有墨魚、紅腸、豆付、鵝肉、牛展、雞什、豬頭肉、熏蹄，份量大。咕嚕肉，個汁好浠，冇乜甜酸味，至於舊肉有啲奇怪，就系咬極都咬吾開。椒鹽鮮魷，個炸粉好厚，可以不試。啫啫芥蘭煲，有獲氣好香口，加左大量肉碎，好食。上湯豬潤菜芯，豬潤厚切但熟左少少，都吾錯。豉油皇炒麵，有大量芽菜和洋蔥，大大碟，幾好食。蜜糖薯仔牛柳粒，個汁甜甜地，薯仔炸到外面包左層蜜糖而且好脆口，牛柳粒反而系配角。加左2支朝日啤酒和3罐汽水，埋單$1267，抵食。