曲奇四重奏 (新城市廣場) (Closed)

今日有朋友送左一盒曲奇俾我，係曲奇四重奏嘅雜錦曲奇，一共有11隻口味。用鐵盒包裝，簡潔，而且一望包裝就知出自曲奇四重奏。打開餅盒，顏色豐富，仲有笑哈哈曲奇，好得意！好好多果仁曲奇，例如牛油杏仁片、咖啡合桃曲奇、川椒榛子曲奇、朱古力曲奇、高纖五穀籽曲奇、蛋黃曲奇。標榜健康、少油同鬆化。所以牛油味唔算好突出，但勝在果仁夠多，口感豐富，口味又多，無咁容易食厭食膩。我最鍾意開心果曲奇，因為我最鍾意食開心果，味道較清淡，正！