來佬餐館 (Closed)

幾年前我喺中環威靈頓街食過來佬餐廳，我記得嗰陣時試個海南雞飯覺得好好味。可惜之後都冇機會再試。前幾日比我見到喺灣仔呢間來佬做緊11周年慶祝套餐，只係$328就可以食到11道菜！簡直超抵呀！於是就book咗同朋友星期日去食。飲品:巨峰提子菠蘿冰薄荷椰果冰6款前菜:1. 來佬一口海南雞飯:個海南雞飯整到好似壽司咁，可以一啖食晒，雞肉嫩滑。2. 大蝦多士:我覺得呢個做得幾有heart，佢會擺埋啲蟹子係上面，食落多一層口感。3. 自家西班牙黑毛豬叉燒:呢個食落肉質夠軟，有好香嘅豬味。4. 法式香草焗田螺:個田螺肉雖然唔係好大，但香草味幾香，個薯蓉幾creamy. 5. 經典凱撒沙律菜新鮮，每塊沙律都搽左薄薄既凱撒醬。6. 黑松露炸薯條薯片好脆，又唔油！配埋黑松露好香！湯: 羅宋湯:呢個唔會好似出邊咁啲菜切到碎晒，飲落仲有微微辣，夠正宗。黑松露野菌湯:飲落每一啖都有黑松露味，好鍾意呢個配搭。主菜: 脆皮乳鴿半隻，乳鴿崧生菜包平時豬肉生菜包就食得多啦，乳鴿生菜包就第一次試。食落又唔錯啵！隻乳鴿睇落細細隻但其實都幾多肉。燒西班牙橡果級黑毛豬配蘋果蓉:呢個餐廳建議個豬煮到七成熟，豬肉味濃郁，肉質爽口。