嘉年華海鮮酒家

Open Now

Now Closed

今日去到富亨飲中午茶，今次坐近有中國風+日本風嘅紅色裝修 位置枱。一碟椒鹽魷魚鬚，一鍋芫茜皮蛋魚腐米線。 飲飲茶慢慢吃， 差不多半小時之後，2:00 到下午茶時間，有一位女夥記好熱心提我哋，如果唔太肚餓可以等多陣下午茶，點心抵食好多。我哋當然睇下午茶有咩抵食？？樣樣都好吸引，結果我哋叫咗個碗懷舊狗仔粉$13 ，家鄉蒸豆腐$13， 陳皮紅豆沙$10薑汁蕃薯糖水$10， 芒果布甸。估唔到米線炸班腩都大概有五至六件又香脆，又唔腥，湯底都好鮮味加埋啲芹菜， 簡直可以俾我哋全部食曬。 碟鮮魷好爽口 ，炸得好香脆。下午茶狗仔粉都唔失禮，銀針粉配冬菜蝦米好惹味。蒸豆腐好滑。芒果布甸係一條錦鯉魚形狀，有少少芒果肉配淡奶好香滑。碗薑汁蕃薯糖水夠曬薑， 好好飲，番薯有煲得夠淋。 紅豆沙就差咗少少，未煲得夠起沙，但甜度適中。