Video
Read full review
2016-08-17
2261 views
同幾個朋友去咗深水埗嘅119 Korea Station。就晌西九龍中心對面，都算方便嘅。佢哋都係用平時韓國餐廳常見嘅油桶櫈，檯就似係自己搭出嚟，木檯面用貨倉貨架嗰種鐵架支撐，底部仲有條橫放嘅鐵架，將雙腳擱晌鐵架又頂住，坐得唔太舒服。另外，每檯都設有電磁爐，應該係俾食鐵盤或鍋類時用。呢一又三分一版紙已盡錄佢哋嘅食物。Smoothie Cider，我叫咗西瓜味，沙冰底下係普通冰塊，算係打得細膩，味道有啲偏甜，似乎係用香精調配。嗰支汽水就額外奉上，唔係好似餐牌圖示咁倒轉晌杯上，咁就只好自己慢慢加。我仲就咁飲咗啖汽水，有啲韓版雪碧嘅感覺。Edison Square，朋友叫咗芒果味，個燈泡造型嘅器皿就係佢賣點。我哋叫晒三款鐵盤，原來近期有半價推廣，不過每檯只有一盤可享呢個優惠，而最後嘅加一服務費亦以正價計算。下次晌其他餐廳遇到呢啲類似優惠，唔知可唔可以即刻割蓆分檯？（講笑）芝士排骨雞（半價），即係豬肋骨、雞肉、韓式年糕同薯角，旁邊嘅芝士就佔個盤約三分一。豬肋骨同雞肉調味唔算突出，芝士味唔濃，質感較稀，雖然可拉絲，但黏度唔強。濟州黑豚烏賊揪紅燒，由最頂層開始係烏賊、黑豚肉、大白菜、大蔥、青蔥同韓
同幾個朋友去咗深水埗嘅119 Korea Station。
就晌西九龍中心對面，都算方便嘅。
佢哋都係用平時韓國餐廳常見嘅油桶櫈，檯就似係自己搭出嚟，木檯面用貨倉貨架嗰種鐵架支撐，底部仲有條橫放嘅鐵架，將雙腳擱晌鐵架又頂住，坐得唔太舒服。另外，每檯都設有電磁爐，應該係俾食鐵盤或鍋類時用。
呢一又三分一版紙已盡錄佢哋嘅食物。
Smoothie Cider，我叫咗西瓜味，沙冰底下係普通冰塊，算係打得細膩，味道有啲偏甜，似乎係用香精調配。嗰支汽水就額外奉上，唔係好似餐牌圖示咁倒轉晌杯上，咁就只好自己慢慢加。我仲就咁飲咗啖汽水，有啲韓版雪碧嘅感覺。
Edison Square，朋友叫咗芒果味，個燈泡造型嘅器皿就係佢賣點。
我哋叫晒三款鐵盤，原來近期有半價推廣，不過每檯只有一盤可享呢個優惠，而最後嘅加一服務費亦以正價計算。下次晌其他餐廳遇到呢啲類似優惠，唔知可唔可以即刻割蓆分檯？（講笑）芝士排骨雞（半價），即係豬肋骨、雞肉、韓式年糕同薯角，旁邊嘅芝士就佔個盤約三分一。豬肋骨同雞肉調味唔算突出，芝士味唔濃，質感較稀，雖然可拉絲，但黏度唔強。
濟州黑豚烏賊揪紅燒，由最頂層開始係烏賊、黑豚肉、大白菜、大蔥、青蔥同韓式粉絲。須先將烏賊同黑豚肉剪成小件，再同底下啲食材拌勻，等大白菜釋出嘅水份煮透韓式粉絲後即可。烏賊算爽口，黑豚肉就唔黏牙。不過特製醬汁入面嘅薑蓉味道太濃烈，好似晌度食緊中菜咁。
國民烤豚肉（全份），個盤大小同之前兩款相同。分別有車厘茄、青蔥、豆腐、黑豚肉、豬頸肉、泡菜同薯角。呢盤我只係食咗豬頸肉，都幾爽脆，辣度亦可接受。聽佢哋講豆腐好滑，似乎已經係呢盤嘢入面最出眾，感覺上驚度唔大。
辣炒芝士年糕
$48
30 views
0 likes
0 comments
炒雜菜，有大白菜、金菇、鴻喜菇同胡蘿蔔等，味道以微辣為主，只係為咗食啲菜咋。
泡菜綠豆餅，個實物同餐牌上嘅參考圖有啲出入，旁邊就附上酸酸甜甜嘅醬汁。煎餅粉感頗強，無咩綠豆味，泡菜係分開上，而唔係混入餅中，唔太討好。
蛋包韓粉絲，以蛋皮包著韓式粉絲，上面淋咗番茄肉醬，另用薯角等做裝飾。蛋身頗滑溜，韓式粉絲腍軟度適中，感覺上較適合唔鍾意濃味嘅人士。
食物份量唔大，同埋有別於平時韓國餐廳食到嘅，味道可以，但印象唔深。Post
