Oasis Bar & Grill (Closed)

夜晚約左朋友食晚飯，宜家12月頭，呢間餐廳已經佈置得好有聖誕氣氛，而且夠大間，約埋朋友傾計幾好。炸蝦多士 $986件蝦多士炸得夠脆，入面既蝦滑夠大件同少少彈牙，仲見到攪碎左既蝦肉，可以配沙律醬食。冬陰功海鮮意粉 $198冬陰功味酸酸地幾惹味，辣味吾太重，海鮮都多同大件，帶子輕輕煎過表面，蝦大隻又爽口，青口幾新鮮。炭烤豬胺伴時菜，焦糖蘋果蓉 $288豬胺已預先切好，份量比想像中較少，有微微既炭燒味，肉質較硬身。焦糖蘋果蓉調教得幾好。個人覺得聖誕黎呢度食飯慶祝幾好，想人多約埋一齊都可以，因為呢度有幾張大枱。