November (京瑞廣場) (Closed)

在石門與朋友做完YOGA，想飲手搖飲品，先發現最近石門多左勁多飲品店。今次一於試試位於一期2F 的NOVEMBER。店面用我最愛的湖綠色作為主色。選項都非常多，最後我地選左以下兩杯飲品。1.奶蓋抹茶（ $33）個人非常愛抹茶的飲品，所以揀左奶蓋抹茶。茶味濃，甜度岩岩好，鮮奶與抹茶的比例恰得剛剛好。先飲上一啖香滑的奶蓋，再飲上抹茶。好飲！2.士多啤梨奶奶（ $35）即叫即整，用新鮮士多啤梨配上幼滑鮮奶打成，酸酸甜甜，感覺清新，開胃，不算太甜。