金門莊 (娥姐私房菜) (Closed)

一行十四人，有四位男仕，十位女仕。地點在海味街頭，唔算好就腳，但都易去。雖然門口外在裝修，但內裏佈置得非常舒適及整清。自來白酒、香檳及紅酒各2枝，另加十個餸。- 龍鳳炸蝦球：新鮮靚蝦加上竹筍等炸成，酥脆彈牙。- 蜜味鴨胸配沙律：皮脆多汁，我暫時食過最好吃之鴨胸。菜沙律好新鮮。- 雲腿竹笙扒荳苗：甘香好味，勁多荳苗。- 鮑粒蠔豉崧配生菜包：好特別之古老菜，鮑粒配金蠔用生菜包，出面唔易有得食。- 花膠嚮螺老鷄火腿湯：花膠唔多夠冧，肘子勁好味，點黑醋食俾全枱人清哂。- 炆鮮羊腩：好味唔酥，個汁好好味，送飯一流(但已好飽，所以無叫飯)。- 豉汁蒸大鱔：普通菜，但好肉彈牙。- 花雕蒸蟹配米粉：好香花雕味，食完半小時後仍齒夾留香。- 臘味糯米飯：普通菜，好吃，但太飽了。- 陳皮蓮子茶：好清之元肉甜味，陳皮和紅棗夠香，但我食到一粒酸了之紅棗。食完同娥姐傾計。她聲線及外表均溫婉，完全估唔到她只有一個人在廚房煮。她說新年會休息，因為來貨價太貴，要收過千元一條魚，好難同食客交待，所以順便放放假。問娥姐過完年有咩好食，佢話應該有柚皮、炒翅等時令食物上市。但一問幾時有位，她說要到三月。我地今次只是後備位，所以