美國餐廳 (Closed)

昨日又係第一城食嘢，今次嚟到美國餐廳，都食過好多次，實在成日出沒係第一城。入面裝修有少少古典西式風味，唔可以話豪華，但都算唔錯。服務好飄忽，有d幾好禮貌，有d唔多想理你咁，可能老闆比較“林”唔嚴，見有個男人成日見應該老闆嚟，好落力下，前排無晚市仲比咗張傳單我。佢午餐都多選擇，好似仲有韓式泡麵餐 好唔西式~叫咗個紐西蘭西冷扒同醬汁鰻魚粒珍珠飯。餐湯好飲夠香濃，餐包係牛角包，好食過平時d圓形餐包。扒正常大，都跟咗我叫嘅7成熟，牛鮮味再特出d會更好。個日式炒飯好食，炒得香口帶少少甜，幾開胃下。12點前閃人有折，計埋算抵食。