Video
Read full review
2018-01-19
1005 views
同事約我收工去 Happy Hour，話公司將會大地震，要爆料俾我知。來到旺角黑布街，這區近來開了幾間新酒吧。見到呢間門外放咗兩個假人，咁搞鬼，仲話係主打賣時下流行嘅手工啤和本土食物。好! 爭取時間唔好四圍行，就呢間。酒吧細細，座位唔算多，裝修都幾舒服。最特色係，周圍都掛咗好多上世紀八、九十年代嘅相，同時，播放著八、九十年代的廣東流行歌，好有懷舊feel。呢個世界唔淨只謝檸檬有12道鋒味，呢間酒吧都有，仲大多佢12道: 12 款味道嘅手工啤 + 12款 “本土” 小食。聽完酒吧職員細心講解完各款啤酒的釀法、味道和各款小食的製法之後，我哋最終點了 【3號啤酒: 毅行者 $78】、【4號啤酒: 冰山雪蓮 $78】、【風騷魷魚 $78】、【小西灣軍師雞 $88】和【脆豬pizza - 魚香茄子 $128】同事開始爆料，原來大老闆個細仔同三女在外國讀完書，依家返來入主董事會，掌管埋重要部門，好快就會有大行動。唓! 我仲以為係咩料咁巴閉，原來都係碎料。以前大小姐、二小姐都有試過入主董事會，玩唔夠兩年，嫌辛苦，就唔繼續玩。依家，通常都係見佢哋兩個上報紙、上電視，到馬場、去Ball場、去慈善show
見到呢間門外放咗兩個假人，咁搞鬼，仲話係主打賣時下流行嘅手工啤和本土食物。
好! 爭取時間唔好四圍行，就呢間。
酒吧細細，座位唔算多，裝修都幾舒服。
最特色係，周圍都掛咗好多上世紀八、九十年代嘅相，同時，播放著八、九十年代的廣東流行歌，好有懷舊feel。
呢個世界唔淨只謝檸檬有12道鋒味，呢間酒吧都有，仲大多佢12道: 12 款味道嘅手工啤 + 12款 “本土” 小食。
聽完酒吧職員細心講解完各款啤酒的釀法、味道和各款小食的製法之後，我哋最終點了 【3號啤酒: 毅行者 $78】、【4號啤酒: 冰山雪蓮 $78】、【風騷魷魚 $78】、【小西灣軍師雞 $88】和【脆豬pizza - 魚香茄子 $128】同事開始爆料，原來大老闆個細仔同三女在外國讀完書，依家返來入主董事會，掌管埋重要部門，好快就會有大行動。唓! 我仲以為係咩料咁巴閉，原來都係碎料。以前大小姐、二小姐都有試過入主董事會，玩唔夠兩年，嫌辛苦，就唔繼續玩。依家，通常都係見佢哋兩個上報紙、上電視，到馬場、去Ball場、去慈善show，不知幾爽。
啤酒、食物到，費事再聽佢廢噏。
【3號啤酒: 毅行者】: 色澤較黑。正如酒吧職員所講，釀造過程中，啤酒是經橡木浸發過的，所以是苦中帶有些木的酸香和焦糖的甘味，飲落又幾特別喎。【4號啤酒: 冰山雪蓮】: 色澤較淺，麥味幾重，苦味之中又有些生果味。都好飲。
問過酒吧職員，點解食物係無蝦條、薯片、芝麻八爪魚、花生、香腸嗰啲平時必食嘅嘢? 佢話呢開設呢間酒吧嘅背後理念係要推廣本土嘢，啤酒是本土手工啤，食物都要係滲入本土feel，例如: 【艇家煎蛋腸粉】、【碗仔翅啤酒冷麵】、【雞同鴨“港”】和【冷脆黑目耳】等等都是充滿本土feel 之作。
【風騷魷魚】: 一大隻魷魚切開，香料醃製，上粉酥炸，香脆可口，有少少辣，
最好味其實係魷魚鬚。
【小西灣軍師雞】: 雞件是用料8種不同香料醃製，所以味道特別。
外層脆脆，雞肉嫩嫩。
再點埋個甜酸辣汁來食，更加好味。
【脆豬pizza - 魚香茄子】原來個底唔係pizza餅底，而係用脆豬仔包，切薄，然後將魚香茄子和芝士放在上面再焗。
芝士好多，拉極都唔斷。好玩!
魚香茄子味道適中，配芝士，原來都幾夾。
我哋聽住啲舊歌，一路飲一路食，就轉咗話題: 想當年。隻隻都係金曲，草猛、Beyond、關淑怡、鄭秀文、黎明、王傑……，連已顧陳百強隻深愛著你都有，不其然，覺得時間過得好快，家駒、Danny仔都走咗廿幾年，九十後出世的都廿幾三十歲。香港呢廿幾年都好似無咩進步過，反而祖國就越來越強大，唏噓感到本土就越來越渺小。如今，唯有飲下本土手工啤，食下本土小食，盡量把唏噓感驅走，cheers!
Post
