人和月雞煲火鍋店 (Closed)

首先食個頭盤，我地揀咗椰青香茅青檸烤魚！新鮮鱸魚好鮮甜，肉質鮮甜嫩滑！湯底好濃椰香味，我哋飲咗兩大碗！佢哋首先煎香左條鱸魚，再放入煲，一起滾起，一啲腥味都冇！正！呢個頭盤嘅量多到我哋以為係用呢個湯底食火鍋！之後我哋揀咗個特別啲嘅湯底就係藥膳養生牛奶湯。今次我哋揀咗set A，佢係精選牛肉吃到飽，有一個頭盤，再有一個湯底已經包咗一啲好靚嘅美國高級牛肉！任嗌唔嬲！牛胸爽都有，真係未食過！全部牛肉都好爽好好味！好新鮮！仲有日本豚肉、蟹子蝦滑、墨魚滑、鯇魚片、醉雞件、海蝦、五花片，乜都有！對於我鍾意食牛嘅人來講，已經係好多選擇！Scan QR code落單，仲有好多其他嘢食又可以食！仲有好大個counter都係甜品！有芋圓仲有豆腐花，超級正！仲有好大個雪糕櫃！真正食飽你！