相馬日式火鍋 (Closed)

今晚嚟到呢間位於 荃灣眾安街大鴻輝中心21樓嘅 相馬日式火鍋 打邊爐餐廳提供多款不同種類的任食放題套餐，任君選擇。我哋揀咗 120分鐘 美國頂級牛小排連海鮮任飲任食放題餐廳提供多款飲品，味道各有特色。一坐低先嚟一罐 忌廉鮮奶，有點回到兒時的感覺。跟住再嚟多款雪糕球包括有朱古力、椰子、豆腐、綠茶味，之後先至開始打邊爐，簡直係冰火二重奏。先嚟 美國頂級牛小排牛小扒牛味濃郁，切得薄薄哋，脂肪又分佈平均，淥一淥就食得。鍾意食牛嘅我，跟住再嚟 美國進口牛肉 和 美國特選牛肉，兩款牛味道都唔錯，重點是切得夠薄，口感夠嫩又夠滑。食完牛再嚟 海鮮拼盤包括有海蝦、廣島蠔、帶子、蜆，款款新鮮，味道唔錯。海鮮吸滿甜豉油嘅醬油湯底，味道更佳。另外，餐廳的自助區提供各種蔬菜、肉丸、腸仔、午餐肉，各色其式，任君選擇。黑椒牛丸又特別有驚喜，大大粒好有牛味。最後再嚟兩個芝麻味雪糕球，今晚就大滿足。